Ruk’ ri kakojik ri e 150 chi k’ak’ reqa’lenelab’ ri Comisaría 31 rech ri Wokajil Ajchajil Tinamit (PNC) sib’alaj xya’taj uchuq’ab’ ri puqchajinem rech nab’ejsab’al uq’atexik k’ax ri’, rumal ri’ xb’an ri puqchajinem tzukunik chi rij taq ri kejach’ich’ xuquje’ ri opanem chajinik pa taq ri k’ax taq k’olib’alil ri’ rech pa le kachajixik ri winaqilal xuquje’ rech ya’ik uchuq’ab’ ri chajinem pa le rulewal ri tinamit rech Escuintla ri’.
Eri Gobernadora Departamental, Vivian Mayorga, pa utzijob’el xub’an ri’ pa le b’anon rech jachik tzijol ri’, sib’alaj xub’ij chi ke ri e’ajchajin tinamit ri’ rech kakib’an ri eqale’n kichakunik, ruk’ ronojel kanima’ xuquje’ pa nim utzilem ya’olchajinem chi ke ri winaqilal escuintleca ri’.
Rumal ri’, eri Taqanel rech ri Comisaría 31 rech ri PNC, Carlos fuentes, sib’alaj xub’ij che ri kokik ri wokaj e’ajchajin tinamit ri’, kuya ri’ jun nim uchuq’ab’ ri chajinem taqom ub’anik pa jalajoj taq uq’ab’tinamit rech ri rulewal tinamit ri’.
Xuquje’ sib’alaj xub’ij chi ke ri eqa’lenelab’ ri’ rech kikanimaj ub’anik ri chak ri’ ruk’ ucholajil ri Taqanem ri’ xuquje’ ri unimaxik ri ya’talil chi ke ri winaqilal ri’.
Eri jun puq e’ajchajinelab’ri’, are kuwach e 115 chi achijab’ xuquje’ kuk’ e 35 chi e kowilaj taq ixoqib’ ri’, ri kakib’an ri’ ri puqchajinem pa amaq’el pa taq ri nimab’e ri’, pa taq k’olib’alil rajawaxik ri’, xuquje’ chi la’ che ri qas kak’ulmataj wi ri b’anoj taq k’ax ri’, rech b’a’ kechajixik ri winaqilal keriqitaj chi la’ kuk’ ri ke’opan pa solinem ch’ab’enik chi la’, jeri’ rech kab’an uchajixik rech kub’al k’u’x kub’an pa rulewal ri tinamit ri’.