Eri rajpatanelab’ ri Wokom Amaq’ kuk’ ri q’atb’al tzij chi la’ xetatb’enik pa le Conversatorio Departamental Reprentativo, pa Escuintla ri’. Eri b’anob’alil ri’ are la’ xuya pa retal rech xb’an rilik usolwachiixik ri tzijol taq ri kutzil k’axk’olil pa ya’olchajinem ri’, k’a pa le kitatb’enik ri winaqilal ri rulewalil ri’. Xuquje’ rech ri utunik ri kemonchak chuq’ab’ ri’ rech pa uq’atexik ri b’anoj k’ax ri’ xuquje’ rech kaq’atexik ri b’anoj k’ax elaq’nik pa rulewal tinamit ri’.
Eri Ministro rech Gobernación, Francisco Jiménez, ri are xtatb’enik pa uwachwujil pa kaqiq’ ri’, sib’alaj xub’ij chewe b’anoj ri Chajinem Winaqilal ri’ rech ri jujun taq tinamit ri’ xuquje’ rech kachomaxik pa kemon taqawokajilal rech uq’atexik ri k’ax xuquje’ ri b’anol chajinem pa tinamit.
“Are jun tijowchuq’ab’ chak ri’ ri kuya pa retal rech kab’an ri chajinem k’a pa le b’anoj utaqanik tinamit pa uwi ri amaq’, ruk’ kitatb’enik konojel ri winaqilal pa tinamit ri’, we kojchakun qonojel ri’ kujkowon che ub’anik chech ri Iximulew sib’alaj kub’al k’u’x”, xcha’ ri Taqawokajnel rech Ya’olchajinem pa Amaq’.
Rumal ri’, eri Gobernadora Departamental, Vivian Mayorga, are xuk’am ub’e ub’anik ri chomanem ri’, sib’alaj xuya ub’ixik chi k’o nim upatanib’al ri b’anob’alil ri’ rech ri kemon tob’anem ri’ pa le ya’olchajinem winaqilal pa tinamit ri’.
Pa le q’ijol ri’, eri e’ajtatb’enel xkib’an ri choman chak ri’ rech xkib’an le rilik ri k’axk’olil ri’, xkisolwachi’j ri rech xkib’an uch’ob’ik ri b’anob’al chajinem pa kemonchak rech pa ronojelil, pa rutzilal ri’. Eri b’anoj tzijob’elil ri’ ar kab’an pa Izab’al ri’, pa Santa Rosa ri’ xuquje’ pa nik’aj chik tinamit ri’.