Ri ya’el uchuq’ab’ pa amaq’el ri chajinem kumal ri Wokajil Ajchajin Tinamit (PNC) are k’o nim upatanib’al ub’anik pa le b’anob’al ya’olchajinem winaqil rech pa utzilem kub’al k’u’x kek’oji ri’ le winaqilal che ri keriqitaj pa k’axk’onem pa rulewal amaq’ tinamit.
Eri b’anow tijowchuq’ab’ ri’ are k’o jun nim utzilem upatanib’al ub’anim pa le upatanexik ri cholchak rech q’ateb’al k’ax xuquje’ ri e’ajb’anol taq ri k’ax ri’, jeri’ rech kab’an uk’aslemaxik jun no’jb’iw ub’ixik kumal ri winaqilal chi ke ri ajchajin tinamit ri’.
“Eri ajchajin tinamit are rech keq’atenik ri k’ax rumal ri’ rajawaxik kek’ejeb’ chi kinaqaj ri winaqilal pa taq kik’olib’alil rech ronojel taq q’ij kojkowon che uq’atexik ri k’ax”, xcha’ le viceministra rech Prevención rech ri Violencia xuquje’ rech ri Delito, Mayda De León, pa jun riqonem ib’ xub’an kuk’ ri rajtaqanelab’ ri wokajil ajchajin tinamit.
Le nan ajpatanel al De León sib’alaj xuya ub’ixik chi k’o nim upatanib’al rech kaya utzijob’exik ronojel taq ri b’anow chajinem tzukunik pa le Subdirección General rech Prevención rech ri Delito (SGPD) rech ri PNC, pa ub’anik utzilem chi ke ri winaqilal e’aj iximulew xuquje’ pa le b’anow chajinem pa amaq’ tinamit ri’.
Rumal ri’, eri k’amal b’e rech ri PNC, David Custodio Boteo xub’ij eri cholchak rech q’ateb’al k’ax ri’ are katob’anik rech kaya’tajik jun wokaj ajchajinel le kak’oji chi kinaqaj le winaqilal ri’, rech uya’ik le nim kub’al k’u’x xuquje’ rech katerne’x ub’anik ri wokaj kuwach e’utz winaqilal ri’.
Eri Custodio Boteo xuquje’ sib’alaj xub’ij che ri ajtaqanelab’ chajin tinamit kakiterne’j uchakuxik ri b’anow utzilal chajinem chi ke ri winaqilal ri’ rech ya’el uchuq’ab’ ri b’anow chajinem pa amaq’ tinamit, rech pa ub’anik ri suk’ilal jacha ri taqom ub’anik pa taq ri taqanem tzij ruk’ ri nimab’al uwach ri ya’tal chi ke ri winaqilal ri’.
Pa le riqonem ib’ kumal taq ri q’atb’al tzij rech ri vicedespacho rech Q’ateb’al K’ax Uq’ab’ ri Taqawokajnem rech ri Ya’olchajinem pa Amaq’ are xb’antaj pa le uq’ijol ub’anikil ri ucholchak ri taqawokajil b’anom rech kab’an k’ut jun utzilaj kemonchak chi uwach ri k’axk’onil kutzil pa le b’anow chajinem winaqilal ri’.