Le Asociados pa le Consejo Asesor rech Seguridad pa ri Extranjero (OSAC), rech ri Departamento rech Estado rech ri Estados Unidos rech América, kamik xkiya uq’ij ri chak xb’an pa le upatanil le Ministro rech Gobernación, Francisco Jiménez, ri are la’ xtob’anik pa le ukojik le b’anoj comercio regional ri’. Le Ministro Jiménez ri’ ruk’ le Viceministra rech Seguridad, Claudia Palencia; le Viceministro Antinarcóticos, Werner Ovalle, xuquje’ le e’ajtaqanel rech ri Wokajil Ajchajil Tinamit (PNC), xemolin kuk’ le asociados rech OSAC xuquje’ ri Angela Brenner, Jefa Adjunta rech ri Oficina Regional rech Seguridad rech ri Embajada rech ri Estados Unidos rech América ri’.
Le Brenner xuna’tisaj eri nima tob’anik kumal ri Iximulew ruk’ Estados Unidos ri’, le nim upatanib’al riqon ib’ chi kuwach rech rech b’anoj taq uchomaxik ri tzijob’el chi kuwach. “E k’o30 chi molaj winaqilal keriqitaj chi’ are la’ k’o jun nim upatan ri’”, xcha’. pa le riqon kib’ ri’ xya wi utzijoxik le chak xkib’an pa le julajuj ik rech le uchakunik le nimatat Jiménez, qas pa le uq’atexik taq e’atoq’inel pwaq, le b’anoj elaq’ xuquje’ ri kakeleq’aj le nima’qch’ich’, ri kaxonach’ich’ xuquje’ taq ri chararb’alch’ich’.
Ruk’ nim chajinem k’o ri nim k’ayinem ri’
Pa le riqon ib’ ri’, le Ministro rech Gobernación, Francisco Jiménez, xub’ij che ri chak rech investigación policial xuquje’ b’anoj puqchajinem rumal le PNC kuya pa retal ri’ rech kab’an nim kaq’atexik ri molaj b’anol k’ax ri’ rech te k’ut kak’oji pa jun nim kub’al k’ux’ b’anoj k’ayinem. Pa le ub’ixik, sib’alaj xub’ij chi k’o nim upatanib’al ri’ xuquje’ le b’anoj katob’anik le puq e’ajchomanel rech ya’olchajinem kuk’ ri winaqilal pa tinamit, kuk’ ri e’ajchoq’e chak poq’san meb’il. Xutoq’ij ub’ixik ri’ che rajawaxik ri tzijob’el xuquje’ le komonchak tob’anik ri’ rech qas k’o chak yakon xuquje’ ri utzil chi kech ri winaq e’aj iximulew.
Kojtajin che uterne’xk ri b’anoj chak ri’ rech unimaxik xutaq ub’anik le k’amal b’e tinamit, Bernardo Arévalo, rech pa uq’atexik ri toq’inik pwaq ri’, rumal k’ut eri toq’inik pwaq are tajin kub’an chi kech konojel ri winaqilal ri’ rumal are le runimal tzij ri’ ri pa amaq’el k’o pa taq le tzijonem chomanik”, eri Jiménez, xub’ij che runimal tzij kachoaxik are ri Sistema Penitenciario xuquje’ ri toq’inik pwaq. Le Viceministra rech Seguridad, Claudia Palencia, sib’alaj xuya utzijol ri 38 chi b’anoj k’ax xuquie’ releq’axik kaxonach’ich’ che ri xq’atataj uwach ri’ chi la’ pa Escuintla ri’; ri kichapik ri 64 chi winaqil xuquje’ ri kaq’atexik ri oxib’ molaj b’anol k’ax ri’ xuquje’ ri kiriqik loq ri ch’ich’, ruk’ nik’aj chik ri’.
Chi rij ri q’atenik taq ri toq’inik pwaq, xya utzijol b’ixik ri usuk’umaxik le nimrachoch le Centro rech Detención rech Máxima Seguridad kech Achijab’ Renovación 1 xuquje’ ri kaq’axexik ri 131 chi winaq e’ajpache’ ri e’itzelalaj b’anol k’ax e tasom pa le katz’apixik, konojel chi kech e are k’ut xkitaq kixib’ixik winaq pa taq k’ayij xuquje’ ri e’ajchoq’e taq nimach’ich’ ri’. Pa Escuintla, xq’atataj wi ub’anik 45 b’anoj k’ax toq’inik pwaq k’a febrero. Pa ronojel are 138 ri’ xuquje’ pa le nab’e mul ri’ rech pa lajuj junab’ chik ri’ ri xnajtib’ pa rajilab’al ri b’anoj k’ax ri’.
Xya uq’ij kichak
Ri OSAC kujunumisaj kuwach kipatan rajeqa’lenel ri Servicio rech Seguridad Diplomática rech Estados Unidos kuk’ ri e’ajno’jchakunel rech seguridad rech ri sector privado rech organizaciones estadounidense che ri kechakun pa taq nimatinamit chisaq chi rech ri qatinamit xuquje’ ri q’atol tzij chi’ rech kakilo jas taq le upetib’alil ri naqjim b’anoj k’ax, rech ya’ik utzijolil xuquje’ rech kakub’isax ub’anik ri k’ayinem pa taq nimatinamit. Eri e’ajkomon ri’ xkiya uq’ij
le utz chak tajin rumal le Ministro rech Gobernación, Francisco Jiménez xuquje’ ri wokaj kuwach e’ajchak, xuquje’ xkitoq’ij ub’ixik che katerne’xik ub’anik ri chak ri’ rech kaq’atexik ri nuk’molaj b’anol k’ax. Xuquje’ xub’ij che katerne’xik ri b’anoj tob’anem ri’ xuquje’ xkiya ub’ixik ri tajin kakilo rech chi rij ri utz uk’olemal ri’.
Chi kech ri e’ajkomon xetatb’enik e are jun rajchomanelab’ ri FICOHSA, USAID/CATHOLIC RELIEF SERVICES, UNILEVER, The Church of Jesús Christ of Latter Day Saints, Nestlé, Mcdonald’s, Kellogg’s, Big Cola, Bayer S.A., Banrural, Abbott, Gasolineras Don Arturo, Walmart, Yobel, Grupo Cymsa, American Airlines, Hotel Barceló, Marriott, DHL, Grupo Salinas, Dole, Empacadora Perry-Cargill, Colgate S.A., Cofiño Stahl, SYT, Pricesmart xuquje’Chevron Guatemala Inc ri’.
Xuquje’ pa le riqon ib’ ri’ xetatb’enik ri Mario Bozos, K’amal B’e rech Inteligencia Civil; ri David Custodio Boteo, K’amal b’e rech ri PNC; ri Alexander Estrada Turcios, ri Taqanel rech ri División rech Inteligencia (DIGICI); ri Helver Beltetón, K’amal B’e Tob’anel rech ri PNC. Xuquje’ e’are jun ri Nicté Melgar, ri Edwin Roberto Pérez xuquje’ ri Luz Montañez rech ri Embajada rech Estados Unidos pa Iximulew, jeri’ ri Jorge Mauricio Valladares, rech ri Banco Mundial, xuquje’ ri Reny Marie Bake Barillas, rech Criminal Justice Internacional Associates ri’.