Eri tzukunelab’ rech ri Wokajil Ajchajin Tinamit (PNC) xkiriq ri uch’akul ri winaq kaminaq chik ub’i’ a Edwin Roberto Gonzáles Ortega, 41 ujunab’, ukojomb’i’aj “Psico”, uwinaqil ri jun pandilla rech ri Barrio 18 xuquje’ are jun chi ke ri e juk’al (20) che ri xkesaj b’i kib’ pa le rachoch japache’ Fraijanes II pa octubre rech ri junab’ kanoq.
Ri are xriqitajik pa le aldea El Jocotillo, rech uq’ab’ tinamit rech Villa Canales, pa jun puqtzukunem xb’an kumal reqa’lenelab’ ri División Nacional rech Ajq’atenel taq Pandillas (DIPANDA) ri’, pa kemonchak kumal ri ajchajin tinamit rech ri comisaría 15. Jacha ri kub’ij ri ub’ixikil chak b’anom ri’, pa nimaq’ab’ ri’ xya’taj ub’ixik chike chi k’o poq’san k’aqb’al q’aq’ xk’ulmataj pa jun nimaja ri’. Are chi’, eri ajchajin tinamit xkiriq ri uch’akul ri jun achi pa jun qojom nimaja rech warib’al ri’.
Eri jun winaq ri’ xch’ob’otaj uwach utzijol pa jun kemechakub’al MI-3 che are ri jun achi a Gonzáles Ortega ri’, aj nicaragüense ri are, eri q’atb’al tzij kakib’ij eri reqale’n are rech ranflero rech ri jun clica Hollywood Gansters rech ri Barrio 18 ri’. Eri uch’akul xq’alajin chi re che sib’alaj tech’tajinaq chi k’aqb’al q’aq’ xuquje’ tz’ib’atal rij rech retalil taq ri pandillas ri’.
Pa le ilob’alil ri xriqitaj wi rij wuqub’ chi ub’aq’ k’aqb’al q’aq’ ri’, rumal ri’ xch’ob’ik che xa’ xtaq uk’aqik ri’. We kimik man ch’ob’om taj jachin xeb’anowik ri jun kamisanik ri’ rumal ri’ katajin ri tzukno’jchak chi rij ri’.