Eri q’atb’altzij rech ri Subdirección General rech Investigación Criminal (SGIC) rech ri Wokajil Ajchajil Tinamit (PNC), k’o rajilanem tzijolil xkiya’ loq rech enero k’a pa octubre rech 2020 chi rij taq ri 1 mil 907 chi ak’alab’ xuquje’ e q’apojil xkitzaq kanoq kachoch, rumal ri’ eri kinan tat xkiya’ loq kitzijol pa le Alerta Alba Keneth ri’.
Eri taqanelab’ rech ajchajil tinamit xkib’ij loq che ri chakunem xkib’an ri’ are rech xkitzukuj pa taq ja k’olib’al rech kiq’atexik nik’aj b’anol k’ax elaq’nik ri’ xuquje’ e are ri’ xeriqitaj loq. Chi ke taq kitzijol xya’taj pa k’utem ri’, are wari’ rech enero are chi’ k’o 245 chi ak’alab’ xuquje’ e q’apojil xeriqitaj loq, pa febrero e k’o 246 xuquje’ pa septiembre e k’o 206 ri’.
Are wari’ kutun rib’ kuk’ ri 1 mil 200 chi ri’j winaq che ri xeriqitaj loq, xesach k’ut rumal k’o itzelal pa taq le kik’ulajil xuquje’ e k’o nik’aj chik rumal man k’ot kitzijol xriq ri’, e are wari’ xya’ kitzijol pa le Alerta Isabel Claudina ri’.
Eri q’atb’altzij xkiya’ loq ub’ixik ri’ che eri winaq chakiya’ b’a’ loq ub’ixik pa taq le Comisarías xuquje’ pa taq delegaciones policiales rech chakiya’ ub’ixik b’a’ pa le 110 rech PNC, pa le 1572 pa le Ministerio Público wexa’ k’o kachalal kesach ri’.