Are wa’ rech taqim ri b’anoj patan kumal ri q’atb’altzij rech ri Ministerio rech Gobernación ri kakib’an kuk’ ri Molaj Ixoqib’ e aj iximulew xuquje’ ri CAIMUS, pa taq el ik’ petinaq chik kaya’ ri ‘ Q.9.5 millones chi pwaqil rech tob’anik chi ke taq ri chakunja kech ixoqib’ pa we amaq’ ri’ rech are kakib’an utz taq chakunem ri ixoqib’ ri’ che ri kiriqom k’ax pa kik’aslemal ri’.
Eri taqawokajnel rech ri Ya’olchajinem pa Amaq’il, Gendri Reyes, xub’ij che pa le nab’e ox ik’ rech 2021, kaya’taj ri chakub’al chi ke pa uq’ijol ri’, rech kataqixik xuquje’ kaq’atexik ri b’anoj k’ax chi ke ri ixoqib’ ri rajwaxik kachomaxik rech kakikoj pa uk’iyal ri chakub’al rech ya’el kino’jalil achb’ilanem chi ke ri’, rech ya’tal pa kiq’ab’ ri ixoqib’ ri’”.
Eri Reyes, xkub’isaj ub’ixik ri’ che ya’talil ri tob’anem chi ke ri ixoqib’. Ruk’ wari’ are kuwa’lijsax uwach rumal ri K’amal b’e Amaq’ Alejandro Giammattei, rech ya’el uchuq’ab’il ri nab’ejsab’al ri q’atenik b’anoj k’ax ri’.