Eri Reyes xub’ij “Eri ixoqib’ e wa’lijsanel uwach ri tinamit ri’”

Eri Taqawokajnel rech Ya’olchajinem pa Amaq’il, Gendri Reyes, aretaq xopan pa le Nima Chakunja kech Ixoqib’ e Kiriqom k’ax e K’aslik (CAIMUS) k’opa le tinamit rech escuintla, xub’ij “eri ixoqib’ ri’ e are e ranch’ich’ kakiwa’lijsaj kuwach ri winaqilal tinamit ri’, eri ix k’o nim upatanib’alil pa jun jawinaqil, rumal k’ut eri ix kichajij ri iwalk’uwal, ri ix ki’ito’o, ri ix k’ut ri qas kixloq’oj pa iwanima’, are wa’ ri qas upatanib’alil che ri winaqilal tinamit”.

Eri tzij xub’ij ri’ are xel ub’ixik chi rij ri kopanik pa le CAIMUS, pa Nimatinamit Iximulew xuquje’ pa Escuintla ri’, chi’ k’u ri’ achb’ilam wi rumal ri Viceministro rech Q’atel k’ax, Carlos García, jeri’ rumal ri Sub Director rech Prevención rech ri Wokajil Ajchajil Tinamit, Héctor Hernández, ri q’atb’altzij rech ri Chakunja rech ri Prevención Comunitaria rech ri K’ax xuquje’ rech ri Puq ixoqib’ e aj iximulew ri’.

Eri viceministro rech Prevención, Carlos García, xub’ij che ya’tal juntir uwach tob’anik chi ke ri ixoqib’ che kiriqom k’ax pa kik’aslemal ri’, “chi jujunal ri are kik’utum ri’ che kekowinik kakiyak kib’ ri’ rech tajin k’ut ketob’an chi ke kachalalil ri’ man k’ot jun chik winaq katzuquw tane’ kech ri’, xuquje’ are wa’ kupatanij ri chakunja kekojik rech k’o ya’el tob’anik chi ke.

Eri e oxib’ ixoqib’ che ri xkitij k’ax xb’an chi ke ri’ rumal ri’ xkita rech keto’ ri’, rumal ri’ sib’alaj xkimaltyoxij chi ke ri q’atb’altzij rech Gobernación, ri UPCV, GGM xuquje’ chi ke ri PNC ri’, ri juntir ri tob’anik xya’taj chi ke xuquje’ man xeya’ ta kanoq kutukel, rumal k’o ya’el uchuq’ab’ no’jalil xya’ chi ke kuk’ ri taq kal, juntir wa’ xuya’ kichuq’ab’il xuquje’ rumal ri’ kekowin kakiyak kib’ ri ixoqib’ ri’.

Eri Dinora Gramajo, q’atb’altzij rech ri GGM, xumaltyoxij ronojel ri tob’anik xuya’ chi ke rumal ri’ Gobernación ri’, rumal k’ut e pa le junab’ 2020 e k’o 12 mil chi ixoqib’ xkichomaj ri’ pa taq le chakunja pa we amaq’.

Rumal ri’ eri taqawokajnel rech Ya’olchajinem pa Amaq’, qas xkub’isaj k’ut ri ya’el tob’anik kub’an chi ke ri ixoqib’ ri’, rumal ri’ qas xub’ij chi ke qas kech’a’w loq kakib’ij loq pa le 110 kuk’ ri PNC xuquje’ pa le 1518 pa le Ministerio rech Gobernación ri’.

Alerta de Corrupción

Ultimas noticias