Eri tercer viceministro rech q’atel k’ax, Carlos García Rubio, xub’ij chi ke ri winaqil rech Nimajuyub’ chi keterenb’ej uq’atexik ri k’ax ruk’ b’anoj chomanem, rech man k’ot chik ch’a’ojinem ri’, are wa’ rumal ri jun ch’a’ojinem xmajtaj loq kumal nik’aj chik winaq xe’opan che uchapik ri juyub’ che ri e tikol wi ri che’ chi la’’.
Eri García Rubio, xub’an jun sik’inem chi ke ri winaqil chi la’, pa jun riqoj ib’ xk’oji wi kuk’ ri ajchomanelab’ rech ri jalajoj taq wokajil ri’ che ri xe’opan pa le Komon Chomanem, rech xkichomaj uq’atexik jun b’anoj ch’a’jinem ri’, chi’ k’u ri’ xetatab’en wi ri winaqil e aj chi la’ k’ut xuquje’ ri nik’aj winaq e ajchapol juyub’ chi’.
“Chi kaya’ b’a’ uchuq’ab’ ri b’anoj chomanem pa joremal ri’, chi kitzijoj b’a’ rech uchomaxik pa uk’iyal ri’, eri winaqil che ri man k’ot pa usaqil ketajin che ub’anik ch’a’ojinem ri’ k’o q’atb’altzij chi kij” xcha’.
Eri viceministro, xub’ij ucholajil ri’, che katajin b’a’ uchomaxik pa joremal rech maj jun kuchap le juyub’ chi’, jacha’ ri kutaqon wi ri q’atol tzij rech ri ya’talil winaqil, pa le cholchak rech b’anoj chomanem pa jikomal ri’ xuquje’ ri puqchajinem che ri katerenb’ex ub’anik ri’.