Pa konojel e k’o b’elejeb’ chi winaqil xechapataj loq, k’o wuqub’ chi k’aqb’alil, jok’al chi ub’aq’ k’aqb’alil xuquje’ oxib’ chi ch’ich’ xeriqitaj loq pa taq b’anoj tzukunem kuma ri reqa’lenelab’ ri Wokajil Ajchajil Tinamit (PNC) pa kajib’ taq tinamit rech pa we amaq’.
Pa le tinamit rech Mixco xechapataj wi loq a Edwin Soto Portillo 42 ujunab’ xuquje’ a Ender Cadenas Morales 20 ujunab’ ri’ rumal keqa’m k’aqb’alil maj pa usaqil ri’.
E pa Jutiapa ri’ chi la’ k’ut xechapataj wi loq a Edwin Emilio Hernández 25 ujunab’, a Cristian Quiñonez 39 ujunab’ xuquje’ a ,Josué Quiñonez 26 ujunab’ ri’, kuk’ nik’aj e alaxik ri’ Luis xuquje’ a Mario Flores Flores 41 xuquje’ 36 kijunab’ ri’, rumal keqam k’aqb’alil maj pa usaqil ri’.
Chi la’ pa Zacapa ri’ xchapataj wi loq a Bonifacio Hernández Reyes 67 ujunab’ ri’ xuquje’ pa Chiquimula xchap wi loq a Cupertino Ramos Onofre 44 ujunab’ ri’ aretaq reqam jun k’aqb’al marca Glock man uwujil reqam ri’.