Eri Ministerio rech Gobernación ruk’ ri Wokajil Ajchajil Tinamit (PNC), sib’alaj xe’usik’ij ub’ixikchi ke ri winaqil pa tinamit rech b’a maj jun kub’an k’aqanik pa kaqiq’ pa k’isb’al junab’ ri’, jeri’ xb’ix chi ke ri winaqil keqam k’aqb’alil ri’, rech pa utzilem b’a’ kek’oji, xaq mek’aqan pa kaqiq’ ri’, xaq makib’an k’ax che kijastaq xuquje’ che kik’aslemalil ri winaq ri’.
Pa le junab’ 2020, pa taq le q’ij rech 24 pa le 31 rech diciembre, e kajlajun chi winaqil xechap ri’ rumal xek’aqan pa kaqiq’ ri’, jacha’ kub’ij ri Taqanik rech K’aqb’alil ri’, artículo 127, xaq ta keq’anik we maj rajwaxik ri’ chinaq k’ut xaq kak’aqanik kab’e pache’ oxib’ junab’ ri’.
“Eri reqaxik jun k’aqb’al, man etz’anem ta reqaxik, are jun nim eqale’nem ri’, jachin kareqaj k’aqb’al k’o jun nim q’aq’ chi rij we xaq tane’ jas ri kub’an ri’”
Eri ch’ob’oj b’anom kanoq chi rij wari’ kumal ri PNC rech ojer q’ij kanoq, e ilom k’ut, che pa le ik’ rech diciembre ri’, rumal ri nimaq’ij rech pa k’isb’al junab’, e k’i winaq kib’anom k’aqanik pa kaqiq’ ri’ rumal aretaq kitijom tzam xuquje’ keqam k’aqb’al ri’.
Eri Edwin Monroy, Ajtzijolinel rech ri PNC, xub’ij che are kilik aretaq ketax rilik retal uwi’kaq’ab’ ri winaqil ri’, rech kach’ob’ik chinaq ri ajchoq’e ri k’aqb’al xuquje’ rech kamajtaj utzukuxik ri’, rech kilik we ri winaq ri’ are xk’aqanik wene’ jun chik winaq xuya’ ri k’aqb’al pa uq’ab’.
Eri Monroy xub’ij chik, chi ke ri winaqilal pa tinamit rech na’til eri reqa’xik ri k’aqb’al ri’, man are taq kuya’ chi ke rech xaq tane’ kek’aqan cho kaj pa kaqiq’, jachin k’ut kutij tzam, chuk’ala b’a’ ri k’aqb’al k’o ruk’, rech pa utzilem kak’oji kuk’ ri rachalal ri’, rech kub’an ta k’ax chi ke nik’aj chik winaq ri’ xuquje’ rech kupetisaj ta k’ax chi rij ri’.