“Kuwaj in kinjach k’ut pa ub’i’ ri Ministerio rech Gobernación pa le upatanil ri Tercer Viceministerio ri’ ruk’ ronojel wanima’ kinjach chech ri K’amal b’e ri’, Hugo Hernández jun wujil na’tib’al chi kech ri Asociación kech Motoristas Voluntarios Unidos rech Iximulew  (AMVUG), rumal ri nimalaj xetob’anik che uwa’lijsaxik uwach ri jun no’jk’aslemalil ri’ rech maj riqoj k’ax pa nimab’e ri’” xcha’ ri Tercer Viceministro ri’, Carlos García Rubio ri’.

 “Kaqaya’ ri wujil na’tib’al chech ri Asociación ri’ rumal e komon tob’anel che nimaxik taqanem tzij rech pa jikom b’anoj wa’katem pa nimab’e xuquje’ rech q’atenik solkoponik pa taq nimab’e ri’”, xcha’.

Eri Hugo Hernández ri’, K’amal b’e rech ri komon winaqib’ rech AMVUG xub’ij k’ut chi kech ri e ajkomon ri’ e k’o ri’ che ya’el ronojel uwach tob’anik rech uya’ik joremal xuquje’ maj solkoponik pa taq nimab’e rech pa we amaq’.

 “Sib’alaj kinki’kotik rumal k’ut are wa’ pa nab’e mul ri’ ri taqawokaj pa amaq’ ri’ pa le upatanil ri Ministerio ri’ xuya’ jun nim wujil na’tib’al chi qech ri’, k’o chik 52 junab’ kintajin pa chakunem rech seguridad vial ri’ xuquje’ are wa’ pa nab’e mul ri’ xloq’ox uwach ri nuchak nub’anom, rumal ri’ sib’alaj kaqamaltyoxij chi rech ri Ministerio rech Gobernación xuquje’ chi rech ri Tercer Viceministerio ri’ ri xujaq uwach uq’ab’ utzij uchomanik xuto ri xqita ri’ xuquje’ xujoto’o rech b’a’ maj jun kusolkopij tane’ rib’ pa taq nimab’e ri’”,, xcha’ ri Hernandez ri’.