Are wa’ uwach ri uchakunik katajin che ub’anik ri Ministerio rech Gobernación pa le upatanil ri Quinto Viceministerio ri’, rech xb’antaj kowonem xeq’atenik ri narcotráfico ri’, chi’ k’u ri’ xriqitaj kaq’o’ lajk’al chi pisob’al rech cocaína ri’, pa Sayaxché, Petén, pa komonchak kuk’ ri reqa’lenel ri Subdirección General rech Ajtzukul Q’atenel rech Awan Kunb’alil ri’ (SGAIA) rech ri Wokajil Ajchajil Tinamit (PNC), kuk’ ri Wokajil e Ajchajil Amaq’ xuquje’ ruk’ ri Ministerio Público ri’, eri eqa’n awan kunb’alil ri’ are la’ xopan pa le Fuerza Aérea Gautemalteca, rech te k’u ri’ xk’am pa uk’olib’al jastaq chokonsab’al ri SGAIA ri’.
Aretaq xriqitaj ri 1,028 chi pisob’al awan kunb’alil ri’, xb’an rilik xq’alajinik che are cocaína ri’, sib’alaj katajin na utzukuxik ri’ kumal ri e antinarcótico kumal ri q’atb’al tzij ri’. Pa we q’ij ri’ k’o chik 10,800 chi upajb’alil ri awan kunb’alil ri’ riqom chik, pa taq ri tinamit rech pa we amaq’ ri’, xcha’ ri Jorge Chinchilla, ajtzijolinel rech ri PNC.
Eri pisob’al ri’ are xk’am b’i pa uk’olib’al ri SGAIA ri’, rech xel kanoq pa uq’ab’ ri q’atb’al tzij ri’, rech kutaq uporoxik. Eri tzujik loq kumal ri winaqilal pa le ch’a’wib’al antinarcótica ri’, are wa’ xuya’ nim uchuq’ab’ ri uq’atexik ri’ kumal taq ri wokajilal ri’.