Rumal k’ut kuloq’oq’ej ri ya’olchajinem kakib’an ri reqa’lenel ri Wokajil Ajchajil Tinamit (PNC) eri  Ministro rech Gobernación, Gendri Reyes xuquje’ ri K’amal b’e rech ri PNC, Héctor Hernández, xe’opan pa le Jakunanib’al rech ri PNC, rech xakilosij uwach ri ajchajinel ub’i’ Verónica Bucuc Cuc 32 ujunab’, ri k’o pa le División rech Fuerzas Especiales, ri xsak chi k’aqb’alil pa Nahualá, Tz’oloja’ ri’.

Eri Taqawokajnel rech ri Ya’olchajinem pa Amaq’, xub’ij che e wajxaqib’ ajchajinelab’ ri’ xesak chi k’aqb’alil, julajuj chi ke xech’ay xeq’ases chi che’ chi machat ri’ xuquje’ ri Inspector Mauricio Canahui Tista, rech ri Fuerza Especiales rech ri (FEP) ri rumal ri’ xkamik.

 “Kaqaya’ juntir qatob’anik che rixoqil ralk’uwal ri inspector Canahuí ri’, ri keloq’oq’exikr i’, kaya’ ri’ kipwaq kirajil ri’. Xuquje’ k’ax ri’ xkam ri are”, xcha’ ri Ministro, Gendri Reyes.

Xuquje’ e kajib’ e ajchajinelab’ xek’am b’i pa le Instituto Guatemalteco rech Seguridad Social IGSS rech Xe’laju’ ri’ chi la’ kekunax wiri’.

Subdirector General de Operaciones Nery Benito Hernández y mandos de la cúpula policial.

Jeri’, pa taq le rachoch ri Dirección General rech ri PNC xb’an uloq’oq’exik uwach uchak uq’ij ri Inspector Canahuí Tista, rumal ri K’amal b’e rech ri PNC Héctor Hernández ri’.

Rumal ri’, eri Director Hernández, xub’ij che ruk’ ri xutaq ub’anik ri Ministro rech Gobernación ri’ che kaya’ na ri tob’anem chi ke rixoqil ralk’uwal ri e ajchajinelab’ che ri e k’ax e k’olik rumal xesak ri’ ri rumal ri’ keriqitaj pa taq ri jakunanib’al ri’.

Chi ri b’anoj uchomaxik ri’, eri q’atb’al tzij rech ajchajil tinamit xkiya’ loq ub’ixik che kakiterenb’ej ub’anik ri ya’olchajinem chi ke konojel ri winaqilal ri’ xuquje’ rech kakiq’atej uwach ri b’anoj k’ax ch’ojinik chi kuwach ri winaqil rech taq ri tinamit rech Tz’oloja’ ri’.