Eri a Luis Valeriano Álvarez Velásquez Oficial II xuquje’ taqanel rech ri Departamento rech Especialización Anitnarcótica rech ri Escuela Centroamericana rech Entrenamiento Canino (ECEC) rech ri Sub Dirección General rech Análisis rech  Información Antinarcótica (SGAIA), rech ri Wokajil Ajchajil Tinamit (PNC) xub’ij ri are che ri Puqtijoxel rech rajilab’al 22 ketajin k’ut pa le nimtijonem chi ke rech pa oxib’ ik’ kakik’is uwach ri’, rech te k’u ri’ ke’ok pa le puq reqa’lenel ri Comando rech Operaciones Antinarcóticas (COAN).

Rumal ri’, pa le laguna El Pino k’o pa Barberena Santa Rosa, chi la’ k’ut katajin wi k’i uwach b’anoj tijonem ri’, rech kakich’ob’ ukojik ri k’aqb’alil, ri b’anoj k’aqanik xuquje’ ri b’anoj uch’ob’ik tob’an ib’ ri’, xcha’ ri Oficial.

 “Kojtajin k’ut che uch’ob’ik rech katorik xuquje’ kawiqik ri k’aqb’alil ri’, rumal k’ut eri unidad antinarcótica ri’ rajwaxik b’a’ qas kuch’ob’ uq’atexik ri b’anoj k’ayin awan kunb’alil pa juntir ri’ rumal ri’ are ri k’o nim upatan ri’ kaya’ uchuq’ab’il reta’maxik b’anoj ya’olchajinem ruk’ le eta’manem ri’, jeri’ chi rij k’aqb’alil M-16, calibre 5.56 fusil Tabor xuquje’ chi rij ka’qb’alil rech 9 milímetros”,

Xub’ij k’ut eri uchak ri wokajil ajchajil tinamit are rech uq’atexik ri narcoactividad ri’, rumal ri’, eri reqa’lenel ri PNC rajwaxik b’a’ k’o pa ucholajib’al ri kakich’ob’ pa le eta’manem ri’ rech utz ukojik kakib’an ri k’aqb’alil ri’, rech pa amaq’el kanimax ub’anik ri Ya’talil Winaqil ri k’o pa ucholajil pa we amaq’ ri’.

Xuquje’ eri e’ajtijoxel ri’ tajin kaketa’maj rech suk’ ketak’ab’ik xuquje’ pa kab’inik ri’, rech kakich’ob’ b’anoj puqchajinem pa taq le juyub’ ri’, rech kakesaj winaq pa k’ax, rech utzukuxik uriqik jastaq awan kunb’alil, rech b’anoj taq tzukunem pa le chajin tinamit ri’, rumal k’ut k’o chi re xaq k’a te’et b’a’ kel loq ri itzel taq winaq pa kimox, pa kawikiq’ab’, chikij xuquje’ chi kuwach ri’, xcha’ ri Taqanel rech ri Departamento rech especialización Antinarcótica ri’.

Ri b’anoj tob’al ib’

Rumal ri’ eri Hugolino Ical, Instructor rech Defensa Personal rech ri ECEC, xub’ij che unidad antinarcótica xuquje’ ri unidades especialistas rajwaxik kaketa’maj wari’ rech kakito’o kib’, rumal ri’, xub’ij, “rumal uj ajchajinelab’ man ya’tal ta chaqe kab’an k’ax che ri ya’talil chi ke ri winaqil ri’ xuquje’ kujkowon taj kaqakoj ri k’aqb’alil, rumal k’ut are ri kojutaq wi ri taqanem rech ri PNC, are ri’ tajin kaqanimaj uwach, eri uj aj unidad antinarcótica kojkowon k’ut kaq’atij ri qak’ulel itzel winaq, ruk’ tob’al qib’ qeta’m ri’, ruk’ qaq’ab’ qaqan ri’, ketijox che rech man kakib’an ta k’ax che ri jun ajb’anol k’ax ri’ are chi’ kakichap loq”.

Eri Ical xub’ij, “We ri qak’ulel karaj tane’ kub’an k’ax chaqe, ruk’ che’ ruk’ puch’b’al, eri uj ajchajinel, rajwaxik kaqach’ob’ ub’anik uto’ik qib’ ri qach’ab’om ri’ rech are kakikoj chuwe’q kab’ij ri Comando rech Operaciones Antinarcóticas rech ri Promoción número 22, ri tajin katijoxik maltyox b’a’ che ri k’amoj ub’e rumal ri Ministro rech Gobernación, David Napoleón Barrientos xuquje’ rumal ri upatanil ri Quinto Viceministerio Fernando Manolo Rodas De León.