K’i uwach taq ri cholchak xmajtaj ukojik upatan rumal ri Wokom Taqawokaj rech Iximulew xuquje’ rumal ri’ Ministerio rech Gobernación (Mingob) rech kechajin chi ke ri winaqil e aj iximulew ri’ xuquje’ rech uq’atexik taq b’anoj k’ax pa we Amaq’.
Rumal ri’ eri taqawokajnel rech ri ya’olchajinem pa Amaq’, David Napoleón Barrientos xub’ij: “Che are wa’ kachakux ri’ pa le viceministerios xuquje’ pa uq’ab’il we taqawokajnem ri’ pa le ya’el uchuq’ab’ ri b’anoj ya’olchajinem winaqil pa we Amaq’, rumal ri’ k’o jun utzalaj taq q’atenik tajin chi ke ri e nuk’wokaj b’anol k’ax. We Iximulew sib’alaj kub’isam uwach ri nimatinamit jacha ri México, El Salvador xuquje’ Honduras ri’”.
Eri ajpatanel ri’ xub’ij, “Eri solinem pa amaq’el kumal ri q’atb’al tzij pa taq ri k’olib’al ya’olchajinem pa we Amaq’, are kuya’ pa retal rech kasolix kichak e ajchajil tinamit, rech kilik ri rajwaxik xuquje’ rech kaya’ uchuq’ab’ ri b’anoj ya’olchajinem kumal ri e ajchajinel rech ri jalajoj taq comisarías xuquje’ ri unidades especializadas rech ri Wokaj Ajchajil Tinamit (PNC)”.
Rumal k’u ri’, eri ya’olchajnem are sib’alaj tajin ub’anik pa taq tinamit che ri tajin wi b’anoj taq k’ax ri’, rech kaq’atexik uwach rech kub’an taq chik k’ax chi ke ri winaqil ruk’ ri kijastaq ri’.
Eri Mingob sib’alaj xub’ij chi ke ri winaq tinamit rech kakitzuj loq ri b’anoj taq k’ax ri’ pa taq le ch’aweb’al 110 xuquje’ 1561, rumal are la’ ri qas kuya’ uchuq’ab’ rech katzukux kuwach ri e ajbanol k’ax rech keq’atexik.