E k’iyalaj chi alab’om alitom ketajin pa le servicio cívico 2022 ri’

Are taqim kina’ojixik ri alab’om alitom rech kek’oji ketob’anik rech kakitijoj kib’ xuquje’ pa uk’iyemal we Amaq’ ri’, rumal ri’ eri Wokom Taqawokaj rech we Iximulew xkimaj upatenexik ri “Proyectos de Servicio Cívico 2022″ ri’. Eri ilib’anem ri’ are xb’an we kamik pa le Parque Erick Barrondo, zona 7 rech nimatinamit.

Eri alab’om alitom 18 pa 24 kijunab’ e are ketijoxik pa jo’ob’ ik’ pa taq le ch’ob’otal chak xkoj kumal ri taqawokajil xuquje’ kumal ri q’atb’al tzij rech taq tinamit.

Eri ministro de Gobernación, David Napoleón Barrientos, xub’ij: “Are sib’alaj utz ri’ eri k’amal b’e Amaq’ Alejandro Giammattei ke’utaq e k’iyalaj pa kajilab’al chi alab’om alitom rech kek’oji pa taq ri b’anoj patan ri’ rech pa le kanimaxik ri winaqilal pa taq katinamit xuquje’ rech utz kawok uwach we Amaq’”.

Eri Andrea Gutiérrez are jun pa le cholchak ri’ pa le Departamento rech Tránsito rech ri Wokaj Ajchajil Tinamit (PNC), xub’ij: “Are wa’ jun utzalaj ya’talil chi ke ri alab’om alitom rech kakichomirsaj xuquje’ rech kakipatanij we cholchak che ri kub’an utz chi ke ri qawinaqilal ri’”.

Eri Taqanel rech Servicio Cívico, pa le uwachinem pa le Decreto 20-2003 ri’, eri alab’om alitom rajwaxik kenimanik 728 chi kajb’alil ri’, eri kajil are Q7280 chi pwaqil katoj chi ke ri’.

Noticias Recientes