Pa jun tzijonem xb’an pa “La Cabina” rech Mingob Radio, eri comisario xuquje’ taqanel rech ri Subdirección rech Kojb’al B’ano’n Tijonem rech Wokaj Ajchajil Tinamit (PNC) ri’, Wilson Díaz Pineda, xuya’ ub’ixik ri k’ak’ tijonik chi ke ri ajchajil tinamit rech ke’ok e k’i pa pa le 54 puqtijonem rech ri wokaj ajchajil tinamit ri’.
Eri Díaz Pineda, xkub’isaj ub’ixik che k’o k’i b’anoj tijonem kab’an ri’, we q’ij kamik kek’am e 2500 chi winaqilal pa le wokajil ajchajil tinamit PNC ri’. Nab’e kanoq e 1600 chi eqa’lenelab’ ri’.
“Eri Tijob’alil rech ri PNC pa zona 6 ri’ rech pa nimatinamit, pa Chinab’jul xuquje’ pa Santa Rosa, chi la’ xek’am wi 2500 chi achijab’ xuquje’ ixoqib’ ri’ rech xetijoxik pa uwajxaqib’ ik’ ri’. Rech xetijoxik chi rij Ya’talil Winaqil, Taqanem tzij, b’anoj chak patan chajinem ri’ xuquje’ rech kakito’o kib’”, xcha’ ri comisario ri’.
Eri ixoqib’ e ajtijoxel kek’oji pa le Academia rech Iximulew ri’ rumal k’ut k’o ri kechajin wi chi la’ k’ut.
Eri chak patan tijon ajchajil tinamit ri’ are la’ tajin pa amaq’el uq’ijol ri’, rech taqim katijoxik ri ajchajinel rech utz kub’an che ri uchak patan, pa le q’atenik ri b’anoj k’ax pa rulewal tinamit.