Pa le uq’ijolal pa Uwachulew ri Q’atenik K’ayin Utijik Itzelkunb’alil ri’, rumal ri’ eri tercer viceministro rech Q’atel ri K’ax, Ronald Portillo rachi’l ri Secretario Ejecutivo rech ri Komon Chomanelab’ rech Q’atel K’ayin xuquje Utijik itzelkunb’alil, Freddy Azueto xkikoj ub’anik ri ya’ltzijolil ub’i’ “Chaloq’aj awib’ ach’akul, matij b’a’ itzelkunb’al ri’”.
“We ya’ltzijol pa uwachwuj k’amq’aq’nil ri’ are rech kuya pixab’ chi ke ri alitom alab’om rech kkichap taj kkitij ta ri itzelkunb’al, rumal are kupetisaj yab’il chi ke. We b’anoj chak pa taqawokajil are kuya juntir utzijoxik wari’ pa le taq le tzijob’al pa le uwachwuj k’amq’aq’nil rech taq ri taqawokajil” xcha’ ri tercer viceministro Portillo.
Eri nimpatanel xub’ij: “Are wa’ kojtajin che ukojik ub’anik pa taq ri k’olib’alil ch eri qas kariqitaj wi k’ax pa nimab’e, jcha kub’ij ri utzijolil rumal ri Departamento rech Tránsito rech ri Wokajil Ajchajil Tinamit (PNC), rumal k’ut ronojel ri k’ax kariq pa taq nimab’e are rumal katijom tzam xuquje’ itzelkunb’al ri e ajb’inisal ch’ich’”.
Eri ya’ltzijol ri’ are tajin junio pa agosto ri’, rech te k’u ri’ kab’an chik pa taq ri nimaq’ij rech k’isb’al junab’ ri’ rumal k’ut pa taq le q’ij ri’ sib’alaj k’ax kariqitaj pa taq nimab’e ri’.