E k’o keb’ chi b’anol k’ax rech ri Barrio 18 xeriqitaj ri’ kumal reqa’lenel ri’ Wokajil Ajchajinelab’ Ajq’atel Pandillas (Dipanda) rech ri Wokjail Ajchajil Tinamit (PNC), are chi’ e k’o che uk’amik jun pisob’al b’anom che k’o ri Q500 chi upam, are tojb’al ri pwaq xkitoq’ij, ruk’ b’anoj taq xib’inik che jun loq winaq ri’.
Eri xechapatajik e are ri’ a Juan Carlos Solares Espinoza, 45 ujunab’, xuquje’ al Johanna Jannet Sajbin Gámez, 32 ujunab’, kab’ixik e are e b’enaq pa jun ch’ich’ taxi pa le colonia San Francisco 1, zona 6 rech Mixco, xecha’ ri wokaj ajchajin tinamit.
Eri q’atb’al tzij rech ri ya’olchajinem pa Amaq’ sib’alaj xkib’ij chi ke ri winaqilal rech chakib’ij b’a’ pa le 110 rech PNC xuquje’ pa le 1674 rech antiextorsiones, rumal k’ut are la’ k’o nim upatanib’al ri’ rech kamaj ub’anik tzukunem chi rij xuquje’ rech keq’atexik nik’aj b’anol k’ax ri’.