Are la’ xb’antajik rech xunimaxik ri Utaqanib’alil ri Wokom K’amoj U b’e Amaq’ 2020-2024, eri ministro rech Gobernación, David Napoleón Barrientos ruk’ ri quinto viceministro Antinarcótico, Fernando Rodas ri’, xemolinik kuk’ rajtaqanel ri Subdirección General rech Análisis rech Información Antinarcótico (SGAIA) rech ri Wokajil Ajchajil Tinamit (PNC), rech xtaqixik xya uchuq’ab’ ri utz cholchak rech xq’atexik taq ri narcotráfico ri’.
Eri chak ri’ xb’antaj rumal ri unidad Antinarcótica rech ri wokaj ajchajil tinamit are xupatanij ri xutaq ub’anik rumal ri Wokom K’amal B’e rech Iximulew ri’ pa le q’atenik kuwach ri narcotráfico ri’. Eri q’atenik ri’ are la’ xq’alajib’ ruk’ ri kchapik ri winaqil xetaq b’i pache’ q’atb’al tzij rech nimatinamit naj, rech xtulisax uwach kqajib’al taq xik’ich’ich’, rech uq’atexik taq tiko’nib’al awan kunb’al ruk’ uporoxik ri’ xuquje’ rech xq’atexik uwach taq awan kunb’alj, xcha’ ri ministro Barrientos.
Eri patanel ri’ xub’ij chik “Sib’alaj kinlinya ub’ixik rech kinki’kotirsaj uwach taq ri chak q’atenik xb’antaj kumal ri reqa’lenelab’ ri SGAIA, rumal k’ut sib’alaj utz we eri agencias internacionales kakib’ij che sib’alaj utz ri chak b’anom ri’ rumal ri’ Wokom K’amal Ub’e Iximulew ri’ pa le q’atenik taq ri narcotráfico ri’, rumal k’ut are la’ uwach ri tzukno’jchak b’anom ri’, ri puqchajinem tzukunik b’anom ri’ xuquje’ are ri ub’e’al ya’olchajinem b’anom kumal e ajchajil tinamit pa we Amaq’ ri’”.
Ri utz q’atenik b’anom
Pa le b’anoj chakunem ri’ pa enero k’a pa agosto rech pa junab’ ri’, e chapom chik e 18 chi winaq rech xetaq b’i pache’ q’atb’al tzij rech nimatinamit naj rumal e k’o pa narcotráfico xuquje’ kuk’ e 1050 chi winaqil e chapom pa taq tzukunik ri’.
Are riqom ri’ 1541.72 pajb’al rech cocaína ri’, riqom ri’ Q158 millones 398 mil702.58 chi pwaqil ri’; riqom 3631.15 pajb’alil rech marihuana chakum chik uwach, eri rajil are Q 1 millón 361 mil 679.78 ri’ xuquje’ riqom 10.02 pajb’alil rech Crack, eri rajil are Q714 mil 106.23 ri’.
Xuquje’ riqom chik 3 millones 433 mil 078,raqan tiko’n uche’al marihuana ri’ eri rajil are Q1287millones 404 mil 250 ri’; xporox ri’ 1 millón 888 mil 006 chi uche’al ri coca eri rajil are Q18 millones 880 mil 060 ri’ xuquje’ xporoxik 9 millones 127mil 172 tiko’n uche’al rech amapola, eri rajil are kopan pa Q228 millones 179 mil 300 ri’.
Pa ronojel ri jastaq ruk’ ri pwaq riqom chik kuk’ ri narcotráfico ri’, eri ajchajil tinamit xkib’ij che are la’ 229 chi ch’ich’, jun xik’ich’ich’, 120 chi k’aqb’alil, 4145 ub’aq’ k’aqb’alil, 111 tokws, xuquje’ oxib’ rachoch b’anob’al awan kunb’alil xsach uwach ri’.
Xuquje’ k’o Q2 millones 621 mil 118.85 chi pwaqil riqom ri’; ruk’ US $ 701 352 ri’; ruk’ € 9390; 37 290 pesos mexicanos riqom ri’, ruk’ 864 lempiras ri’ xuquje’ ruk’ 4 002 000 pesos colombianos ri’.