Eri winaqilal sib’alaj tajin ub’anik chi ke ruk’ ukojik wa’ uwachwuj xuquje’ pa le ukojik ri tecnología ri’, rumal ri’ eri reqa’lenel ri Sección de Antecedentes Policiales rech ri Subdirección rech Apoyo xuquje’ Logística rech ri Wokajil Ajchajil Tinamit (PNC) xub’ij ri’ che ronojel q’ij tajin resaxik uya’ik 7 mil 281 chi wujilal chi ke ri winaqil.
Eri Coordinadora rech Antecedentes pa Línea, Sandra Hernández, xub’ij che pa le k’isb’al wuqq’ij kanoq k’o 900 chi wujilal ri’ xsetaj kumal ri winaqil ri’, ri are la’ sib’alaj tajin xesax kumal ri winaqilal k’a pa taq chakuja pa kichak ri’.
“Pa enero k’a paq’ij kamik ri’ eri winaqil kesam chik 1 millón 083 mil 222 chi wujilal pa uwachwuj t’inkematz’ib’ ri’, are wa’ xkitoq’ij ub’anik kumal ri PNC rech uya’ik chi ke ri winaqil”, xcha’ ri Hernández.
Xuquje’ xub’ij “eri ketatatin rech uya’ik ri wujil policiales ri’ are resaxik kakib’ano pa le chakub’al reh WhatsAap, Telegram, pa correo electrónico xuquje’ pa mensajes rech tz’ib’am; ruk’ pa b’anikil tajin uya’ik ri wujilal che ri tajin kakita ri winaq ri’.
Xuquje’ xub’ij che eri resaxik ri wujil xaq xu’ wiri’ rumal ri ajchoq’e xuquje’ ya’tal rech kesax rumal jun abogado ri’.