Pa keb’ q’ij chik, eri reqa’lenelab’ ri Subdirección General rech Análisis rech Información Antinarcótica (SGAIA), rech ri Wokajil Chajin Tinamit (PNC) pa komonchak kuk’ ri reqa’lenelab’ ri Wokajil Chajinel Amaq’ Iximulew, rech xkib’an tzukunem, solinik ri’ xuquje’ rech xkiriqo xkiporoj ri awan tiko’nib’al pa le juyub’al rech San Luis, Petén.
Eri q’atb’al tzij xkib’ij ri’ che pa le k’isb’al wuqq’ij kanoq, eri wokajil chajin tinamit xkiriqo xkiporoj ri’ 438 mil 539 chi ichaj tiko’n rech coca ri’. Eri e ajchakuja antinarcóticas xkib’ij che e are xkiriq k’ut ri awan kunb’al tikom pa le juyub’ chi la’, eri rajil are Q4 millones 385 mil 390 ri’.
Eri nab’e uporoxik ri’
Pa le nab’e puqtzukunem solinik ri’ are la’ xriqitaj ri tiko’n rech coca pa junab’ ri’, kumal ri reqa’lenelab’ ri antinarcóticos ri’, rumal ri’ xkiriq k’ut 15 mil 340 chi ichaj tiko’n rech awan kunb’al ri’ eri rajil are Q153 mil 400 ri’. Are uriqik ri’ are xb’an paq’ij 3 rech enero ri’ pa le ri aldeas Cachichoh xuquje’ Machaquilá rech Livingston, Izabal ri’.
Eri Wokom Patanel Amaq’ Iximulew ri’ pa le komonchak rumal ri Ministerio rech Gobernación (Mingob) ruk’ ri Ministerio rech ri Defensa Nacional (Mindef) ri’, sib’alaj xetikar che kaq’atexiuk ri narcotráfico ri’ pa we qatinamit.