Taqim k’ut ub’anik jun Nimaq’ij rech Awas Q’ij pa kub’sib’al k’u’x ri’ are k’o pa le Plan 16-2023 ri kuk’ub’isaj uchajixik ri winaqil pa kik’aslemalil, rech man k’ot k’ax kakiriq tane’ pa qatinamit, rumal ri’ pa le nab’e q’ij rech abril xb’an jun riqb’alil kumal ri q’atb’al Tzij rech ri Taqawokajnem rech Ya’olchajinem pa Amaq’, ruk’ ri K’amal B’e Wokajil Ajchajil Tinamit (PNC) xuque’ kuk’ ri taqanel rech e ajchajil tinamit rech le uya’ik uchuq’ab’ ri ya’olchajinem q’atenik k’ax pa qatinamit.
Eri riqb’al ib’ xb’an pa le Nimaja rech ri Ministerio rech Gobernación (Mingob), zona 1 rech ri uk’u’x nimatinamit. Chi’ k’ut eri Ministro rech Gobernación xub’ij eri cholchak rech ya’olchajinem kumal ri PNC, are kitaqim ri b’anoj q’alanem, q’atenik pa le kachajixik ri winaqil che ri ke’opan che wa’katem pa taq k’olib’al uxulanib’al xuquje’ ri kek’oji pa taq ch’ab’al komontyox kuk’ ri kojonelab’ ri’ pa le Awas Q’ij.
“Xutaq ub’anik ri Chajinem Tzukunik pa taq ri nimab’e pa rulewal qatinamit, rumal ri’ tajin ri chajinem solinik ri’, rech pa utzilem jikomal kek’oji ri winaqil pa we q’ij pa qatinamit”, xcha’.
E k’o 43 mil chi ajchajil tinamit ketajin pa chajinem tzukunik ri’ pa komon kuk’ ri uq’ab’ wokajila ri’, ri keriqitaj pa 38 k’olib’al chajinem tzukunik pa rulewal qatinamit.
“Eri helicópteros ri’ rech ri Unidad Aérea rech ri Ministerio rech Gobernación (Unagob) kakib’an ri puqchajinem pa kaqiq’ cho kaj, rech ketob’an ruk’ ri puqchajinem kab’an pa taq tinamit rech q’atenik ri k’ax ri’ xuquje’ rech pa le kachajixik ri winaqil pa le Awas Q’ij”, xcha’ ri Patanel rech ri Ya’olchajinem pa Amaq’.
Puqchajinem kumal ajchajil tinamit
Are uwach ri cholchak Plan 16-2023 ri’ tajin upatanexik kumal taq ri Comisarías xuquje’ Unidades Especializadas rech ri PNC ri e taqom pa K’olib’al Ya’olchajinem Solinik, kakib’an ri chajinem winaqil ri’ rech kakilo we man k’ot jun winaq tane’ taqom uchapik, we man k’ot awan kunab’al keqam b’i xuquje’ we man k’ot tzam xuquje’ awan kunab’al kitijom. Xuquje’ rech kakichap kanoq ri ch’ich’, kejach’ich’ che ri e eleq’am ri’ xuquje’ rech kakiba’n ri ya’oltzijol b’ixik q’atenik k’ax; k’o ri wujtzijol kakijach chi ke ri winaq e ajb’enal ri’.
Xuquje’ k’o ri puqchajinem kakib’an chi rij kejach’ich’ pa taq ri k’olib’al wa’katem winaqil, pa nimk’ayib’al, pa kitak’alib’al ch’ich’, pa k’olib’al ch’ich’ ri’, pa warib’al ja, pa nim k’ayib’alil, pa taq rachocgh komontuox, pa nik’aj chik k’olib’emal. Jeri’ k’o ri chajinem kakib’an che kaqan pa taq ri k’olib’al k’ax keriqitaj wiri’ rech kakitzukuj kakiq’atij awan kunab’al ruk’ b’anoj taq k’ax chi ke ri winaqil e ajb’anol loq chi’.