Eri Ministerio rech Gobernación (Mingob) pa reqele’n ri Unidad Aérea rech Gobernación (Unagob) ri’ paq’ij kamik xechajin pa kaqiq’ pa Canalitos xuquje’ pa nik’aj chik wokja rech pa uk’u’x nimatinamit rech xkitaqij uq’atexik ri b’anoj k’ax ri’.
Eri’ q’atb’al Tzij ri’ xkib’ij che xiya jun tob’anik chajinem pa kaqiq’ cho kaj chi ke ri radio paturllas xuquje’ kejach’ich’ pa le wa’katem b’anoj chajinem uxo’l taq ja, pa taq avenidas xuquje’ pa taq callejones che ri qas k’ax ke’opan chi la’ che ri qas kab’an wi elaq’, elaq’ pa taq kachoch winaq xuquje’ chi ke ri ch’ich’ xuquje’ nik’aj chik b’anoj k’ax ri’.
E k’o nik’aj chik ajchakuja ajchajinelab’ xek’oji chi uchi’ palow ri oceáno Pacífico ri’ rech q’atenik ri winaq kakib’an ri k’ax ri’ chi ke ri winaq keriqitaj che wa’katem b’inik chi la’ pa le k’isb’al q’ij rech q’ijol uxulanem ri’ pa le Awas Q’ij 2023 ri’.
Nik’aj chajinem ri’
Rumal k’ut ri xaq katajin b’anoj puqchajinem xb’an kumal ri Wokajil Ajchajil Tinamit (PNC), pa saqarib’al kamik k’o jun ch’ich’ xriqitaj pa le 1a. avenida xuquje’ 10a. calle, zona 1 are chi’ xsolix upam ri ch’ich’ k’o jun chom pwaq xriqitaj ri’; rumal ri’ eri ajchajinel xkib’ij che qaraj are xa’ xeleq’ax loq pa jun k’ayib’al k’o pa le 5a. avenida rech ri zona 1 ri’.
Rumal ri’ eri reqa’lenel ri Ministerio Público ri’ (MP) xkisolij uwach xuquje’ xkipiso ri jastaq xkiriq pa le jun ch’ich’ ri’ xuquje’ xkajilaj ri pwaq xriqitaj kumal ri’.