Are taqim uq’atexik ri b’anoj k’ax chi ke ri winaqilal ri’, rumal ri’ eri reqa’lenel ri Comisarías kuk’ ri Unidades Especializadas rech ri Wokajil Ajchajil Tinamit (PNC), pa komonil kuk’ ri reqa’lenel ri Ajchajil Amaq’ Iximulew, xkib’an utz taq puqchajinem winaqil pa ronojel taq qatinamit ri’.
Eri wokajil ajchajil tinamit xechajin pa taq k’olib’em chajineik pa komon wokajilal kojom pa taq nimab’e rech pa qatinamit, chi la’ k’ut xkisolij wi kiwujilal ri winaqil xuquje’ ri ch’ich’ keb’inisaxik, ri kejach’ich’, ch’ich’ rech erelwinaq uquje’ ri ch’ich’ rech eqa’n ri’ rech xilik we man k’ot jun taqom uchapik xuquje’ we man k’ot jastaq pa awalik kakiq’axe’j ri’.
Xuquje’ eri reqa’lenel ajchajin tinamti kuk’ ri e ajchajil amaq’il che kaqan ketajin che b’anoj ya’olchajinem tzukunik pa taq k’olib’em xuquje’ wokja che ri qas kab’an wi ri k’ax rech kaq’atexik ri’ xuquje’ rech k’o kub’sib’al k’u’x chajinem chi ke ri winaqilal pa tinamit.
Ri b’anoj q’alanik
Pa le rachoch tijonem, eri reqa’lenel ri PNC tajin kakib’an ya’olchajinem chi la’ k’ut xuquje’ rech keq’alanik chi ke ri ak’alab’ e ajtijoxel, ri tat nan xuquje’ chi ke ri e ajtijonelab’ ri’. Jeri’, xkitzijoj utz taq pixab’ no’jib’al chi ke, pa ronojel taq tijob’al rech pa qatinamit, chi la’ k’ut xkitzijoj wi ri utz jikom ukojik ri uwachwuj pa kaqiq’ kab’an ri’, rech makichap utijik kunab’al kaq’ab’arisan ri’, rech maj ub’anik ri itzel k’axk’onem chi kuxo’l ri’, jeri’ chi rij ri utz ya’talil chi ke ri ak’alab’ xuquje’ e q’apojil, ruk’ nik’aj chik.
Eri q’atb’al Tzij xkib’ij che ri b’anoj q’alanik k’ax ri’ are la’ kuya uchuq’ab’ ri kub’sib’al k’u’x chi kuxo’l ri winaq tinamit kuk’ ri wokajl ajchajil tinamit. Xuquje’ rech kab’an utzijob’exik ri no’jk’aslemalil chi ke ri ak’alab’ rech kak’amansax chi ke rech we k’o ri k’ax kakilo kab’anik kakib’ij b’a’ pa le 110 rech ri PNC xuquje’ pa le 1561 rech Crime Stoppers.