Pa ronojel e k’o 112 chi e ajchajinelab’ ri xkimaj katijoxik kib’ pa le ukaj b’anob’al tijonem rech Comando rech Operaciones Antinarcóticas (COAN) rech ri Subdirección General rech Análisis rech Información Antinarcótica (SGAIA) rech ri Subdirección General rech Análisis rech Información Antinarcótica (SGAIA) uq’ab’ilr i Wokajil Ajchajil Tinamit (PNC) rech chi la’ k’ut kakimaj wi reta’maxik ri b’anikil q’atenik taq awan kunab’alil qastzij ri’.
Eri q’atb’al Tzij xkib’ij che pa 90 q’ij ri’ eri ajchajinelab’ kek’oj pa taq ri rachoch ri tijob’al ub’i’ Escuela Centroamericana rech Entrenamiento Canino (ECEC) k’o pa Barberena, Santa Rosa, chi la’ k’ut kakib’an wi reta’maxik ri ukojik ri k’aqb’alil, ri kato’ik kib’ rech kekam taj pa taq ri k’axk’onem ri’, ri ube’al ri sak’ajil tzukunik, ri b’anoj taq puqchajjinem pa sak’ajil, rech uch’ob’ik usk’ixik retal rulewal tinamit, rech kach’ob’ ukojik ri brújula xuquje’ ri redh ri Sistema rech Posicionamineto Global (GPS).
Kakik’am uch’ob’ik ucholaj ri choltaqanem pa qatinamit, rech uch’ob’ik uriqik awan kunab’al, rech uch’ob’ik b’anoj chajinem kumal ajchajil tinamit xuquje’ rech ke’ilik ri binomios K-9 kuk’ ri tz’i’.
xuquje’ rech kach’ob’ ucholaj ub’anik ri puqchajinem pa tinamit xuquje’ pa taq juyub’, puqchajinem pa taq helicóptero, pa uwi taq cho, nima’, palow, rech utzukuxik awan kunab’al, uk’u’x awan kunab’al, jeri’ rech utz’ib’axik tzijol ub’ixkil rech ub’ixik ucholaj ronojel ri awam jastaq rech kariq loq. Jeri’ k’o tijonem kab’an chi rij ukojik kunab’al rech kekunax ri kesokik pa taq k’aqanik, rech nab’ejsab’al taq kunanem xuquje’ rech retaxik rilik ri uk’olib’al taq ri k’ax ri’.
“Eri tijonem ri’ are la’ sib’alaj k’ax tijowchuq’ab’ ri’, rumal k’ut chi la’ are jun k’olib’al k’axk’onem xuquje’ rech upatanexik. Eri kakitijoj kib’ ri’ rajwaik kakik’utu chi k’o jun nim kanimab’al xuquje’ kichuq’ab’ ri’”, xecha’ ri ajtijonelab’ chi ke ri’.
Eri q’atenik ri narcotráfico pa qatinamit are la’ jun nimachak tajin kub’an ri K’amal B’e Amaq’, pa reqele’n ri Taqawokajnem rech ri Ya’olchajinem pa komonchak ruk’ ri Quinto Viceministerio e kowoninaq che uwi katijoxik ri 440 chi reqa’lenel chajin tinamit rech taq ri promociones COAN 20, 21, 22 xuquje’ 23 ri’. Xuquje’ are la’ uwach ri ub’e’al b’anob’al ri Transformación Policial ri’ pa le unimaxik uwach ri Cholchak rech B’anob’al Tijonem.