Eri Ministro rech Gobernación xub’ij paq’ij 26 rech abril chi rij ukojik ri puqchajinem “Sembrador Fase I” pa Nahualá xuquje’ Santa Catarina Ixtahuacán, Tz’oloja’, rech katerenb’ex ub’anik ri chajinik pa rulewal taq tinamit ri’, rumal k’u ri’ xetaq b’i chi la’ e 300 chi reqa’lenel ri Wokajil Ajchajil Tinamit (PNC) xuquje’ 200 chi e ajchajil Amaq’ Iximulew.
Rumal ri’ eri Taqawokajnel rech ri Ya’olchajinem pa Amaq’ xub’ij ri’: “Sib’alaj qas kechajix ri winaqilal pa chi la’ kumal ri wokajil ajchajil tinamit ri kek’oji kuk’. Ri uj kaqanimaj unimaxik ri xtaq ub’anik rumal ri Organismo Judicial”.
Xb’an riqb’al ib’
K’a pa nimaq’ab’ kamik eri taqanel rech ri PNC kuk’ ri Wokajil Ajchajil Amaq’ Iximulew ketajin pa riqoj ib’ chomanem rech kakichomaj ub’anik unimaxik ri kutaq ub’anik rumal ri q’atb’al Tzij ri’.
Eri Ministro xub’ij che ri jun ch’a’ojinik ri’ are chi rij taq k’ulb’a’til chi la’ k’ut, ri umajom chik k’i taq junab’ ri’. Pane’ b’a’ xechomaxik pa le 2021 rech kakib’an ta chik ri ch’a’ojinik eri winaqil chi’ man xkinimaj ta k’ut.
Rumal ri’ eri wokajil ajchajil tiamit pawe chanim keriqitaj chi’ rech uq’atexik taq ri b’anoj ch’a’oj ri’ rech kakiq’al kib’ ri’.