Eri Dirección General rech Servicios rech Seguridad Privada (Digessp) rech ri Ministerio rech Gobernación (Mingob), pa keb’ q’ij rech mayo, xutz’aqatisaj kab’lajuj ujunab’ ri taqawokajil ri’. Eri uq’ab’ taqawokaj ri’ xoksaxik pa le Decreto 52-2010 rech ri Taqawokaj B’anoj Taqanib’al pa Amaq’ Iximulew ri’, Taqanem Tzij rech Kuq’at Tzij Uk’amik Ub’e’al ri Chakunem rech Seguridad Privada.
Pa mayo rech 2011 kanoq, eri wokajil ri’ are xtaq ukojik rumal ri taqa’amaq’ rech are rajawtzij rech kuril uchak, kusolij ri b’anoj chajinem rech seguridad privada ri’. Xuquje’ rech are kuya ri kiwujilal ri wokaj chakunem rech chajinik k’o ajchoq’e ri’ rech kunimaj ri q’atom pa le taqanem Tzij ri’.
Eri K’amal B’e rech ri b’anoj solinem ri’, xuk’am uq’ab’il uwach ri chakunem b’anom kumal reqa’lenel chajinem rech seguridad privada pa qatinamit. “K’o jun q’ijol kaqana’ pa qanima’ uj rumal kaqab’ij eri wokajil ri’ xopan pa kab’lajuj juanb’ katajin che upatan jacha ri xtaq ub’anik pa le Decreto 52-2010”, xcha’ ri nimpatanel.
Q’ijol rech ketz’ib’axik
Rech kakoj b’a’ jun wokajil rech seguridad privada, eri winaqil xuquje’ ri e ajq’atoj Tzij ri’ rajwaxik kakitz’ib’aj kib’i’ jacha jun sociedad anónima, rajwaxik k’o jun puq upwaqil xuquje’ ri tojom.
Xuquje’ rajwaxik kakinimaj uwach ri tojb’anem pa le b’anoj chajinem, tob’anik xuquje’ kakiya jun na’ojinik chi rij pa le kichakunik.
Eri Secretaría General rech ri taqawokajil ri’ xub’ij, che pa le nab’e uwach katz’ib’axik ri’ are pa le mercantil, eri wokajil ri’ rajwaxik kunimaj utz’ib’axik rib’ rech kaya uwujil rumal ri Dirección General ri’, rech te k’u ri’ kutz’ib’aj rib’ pa le Registro Mercantil rech ri Nimatinamit Iximulew.
Pa le ukab’ uwach kutz’ib’aj rib’ rajwaxik kunimaj ri k’o pa le taqanem Tzij chi rij ri’, te k’u ri’ kab’an jun opanem solinik chech rech kilik we qastzij b’a’ kakowon che ub’anik ri patan ri’. “Eri jun b’anonem ri’ are la’ kak’is ruk’ uya’ik uwujil ya’talil ri’”, xcha’ ri Secretaria General.
Ri b’anoj tijonem ri’
Eri Taqanel rech ri Departamento rech Capacitación xuquje’ Desarrollo Tecnológico rech ri Digessp xub’ij che ri rajchak ri wokajil e kachib’il ri reqa’lenel ri Wokajil Ajchajil Tinamit (PNC), e are kakisolij ri rachoch ri k’uttijob’al rech taq wokajil rech seguridad privada che ri k’o kiwujil ya’om rech kechakunik, rech taqim rilik we ri ajtijonel kakikoj ri’ ri ub’e’al tijonem are chi’ ketijonik.
Xuquje’ are ke’usolij ri wokajil we utz ri tijonem kakib’an chi kech ri k’ak’ taq eqa’lenel rech seguridad privada ri’. Jeri’ kakilo we qas are tajin uya’ik chi kech ri ajtijoxel pa le uq’ijol ri’, ri rech winaqilemal, q’atojilil ri’, xuk’is ub’ixik ri Taqanel rech ri Departamento ri’.