Eri reqa’lenel ri División Nacional rech Q’atenel taq Pandillas (Dipanda) rech ri Wokajil Ajchajil Tinamit (PNC), xkitzuj chi k’o jun pandillero xkichap ri’ are chi’ e b’enaq che uk’amik le pwaq xkitoq’ij, pa jun tzukunik xb’an pa le aldea El Fiscal, Palancia, iximulew xb’an wiri’.
El detenido es Wilber Haroldo Tepeque, de 34 años, presunto integrante de la clica Crazy Brothers
Eri jun achi xchapik are a Wilber Haroldo Tepeque, 34 ujunab’, kab’ixik are uwinaq ri jun clica Crazy Brothers rech ri pandillas rech ri Barrio 18. Eri jun achi xchapik are chi’ xopan che uk’amik jun k’olib’al pwaq ri k’o Q400 chi pwaqil chi upam, are pwaq xkitoq’ij rech chi wuqutaq q’ij ri’ ruk’ jun nim xib’inik chech jun ajk’ayinel chi la’.
Eri jun achi xriqitaj jun k’olib’al pwaq ruk’, ruk’ ri pwaq xtoq’ij xuquje’ ruk’ keb’ chi ch’aweb’al ri’ rech kuya’o uchuq’ab’ ri tzukunem tajin chi rij wari’. Are chi’ xil utzijil pa le PNC, xq’alajinik che ri jun a Wilber Tepeque ri’ k’o umak ub’anom ri’ rech b’anoj elaq’ pa le 20229.
Eri q’atb’al Tzij xkib’ij tajin uterenb’exik utzukuxik ri jun b’iw b’ixik pa le 1574 rech q’atenel toq’inik pwaq, chi la’ k’ut k’o jun winaq kub’ij che ri nik’aj b’anol k’ax sib’alaj xkitoq’ij Q4 mil chi pwaqil ri’. Rumal ri’ eri wokajil ajchajil tinamit rech pa aninaqil xkimaj katzukuxik pa komon wokajil, rumal ri’ xb’antaj kowonem xkichap ri jun b’anol k’ax ajtoq’il pwaq ri’.
Xtaq ub’anik utzukuxik rech xchapik
Eri a Emerson Mauricio Veliz de la Cruz, 21 ujunab’, xchapataj pa le adlea Santa Cruz rech San Antonio La Paz, El Progreso ri’. Kab’ixik eri jun winaq ri’ k’o kab’lajuj mul xtaq uchapik ri’ rumal xub’an toq’inik pwaq xuquje’ xub’an k’aqanik, rumal ri’ xtaq uchapik rumal ri Q’atb’al Tzij rech ri Nimatinamit Iximulew, rech Mixco, rech Amatitlán xuquje’ rech Jutiapa ri’.
Eri tzukno’jchak are xuq’alajisaj che ri jun a Veliz de la Cruz chi kakab’ ik’ xuk’ex rachoch rech kariqitaj ta kumal ri q’atb’al Tzij. Rumal ri’ eri jun achi ri’ xk’am b’i pa Q’atb’al Tzij rech ri uq’ab’ tinamit rech San Antonio La Paz, chi la’ rajwaxik kachomax wiri’.