Pa le uq’ijol ri Kanimaq’ij ri Nan Ixoqib’, eri Subdirector xuquje’ Taqanel rech ri Modelo Policial rech Seguridad Integral Comunitaria (Mopsic) uq’ab’ ri Subdirección General rech Q’atenik ri K’ax (SGDP) rech ri Wokajil Ajchajil Tinamit (PNC), kachakun pa le k’amoj komonchak xuquje’ uchakuxik ri cholchak rech katob’an che ub’anik jamalil pa jikomal kub’sib’al k’u’x kuk’ ri winqilal ri’.
Eri al Josselyn Lorenzana Barrios, are kab’ixik k’o b’elejeb’ junab’ chik katajin chewe chakunem, pa ronojel taq q’ij, kub’an ri uchak rech ke’uto’o ri nan ixoqib’ che ri kakib’ij loq ri k’ax kakilo kakik’ulmaj ri’, rech kakib’an upatanexik ri k’olib’em pa joremal, chajinem kub’sib’al k’u’x xuquje’ pa jorob’alil.
“Are wa jun utz chak kaqab’an pa ub’i’ ri PNC, rumal k’ut kinkowon k’ut che upatanexik ri cholchak rech kenuto’o ri nutat nan, xuquje’ we chak ri’ are kunb’an chuwe rech kinb’an utz winaq uxquje’ utz nan ri’”, xcha’ ri Lorenzana.
Pa le SGPD kariqitaj wi 137 chi ixoqib’ ri k’o taq kal xuquje’ e are ke’achb’ilanik xuquje’ kakib’ochi’j ri taq kal, taq ala, taq ali, ri kal e q’apoj xuquje’ ri ixoqib’ b’anom k’ax chi kech xuquje’ ri kakaj keto’ik rech pa le kitzuqik ri kachalal ri’.
Kinloq’aj wib’ in nan
“Sib’alaj k’ax kintijo are chi’ kinuya kanoq utukel ri alaj wal rumal kinb’e pa chajinem tinamit, weta’m k’ut che ri are kuloq’aj ri nuchak kinb’an in pa chuwe’q kab’ij rech kinlinya’o jun utzilaj q’ij chuwe’q kab’ij chi kech ri winaqilal”, xcha’ ri al Josselyn Lorenzana.
xuquje’ xub’ij chik “eri alaj wal ala kajib’ ujunab’, sib’alaj qas kinusik’ij apanoq rech kuto we utz nuwach xuquje’ rech karaj kuto jas le kato’ik ri winaq kinb’ano. Eri uj ajkinan qeta’m keqaloq’oj ri’; are kaqak’ut ri’ are chi’ kakita chaqe rech keqato’o xuquje’ uj k’o ri’ che ri kato’ik”, xcha’.
Le Kinan ajchajil tinamit
Eri q’atb’al Tzij rech ri Subdirección General rech Estudios xuquje’ Doctrina rech ri PNC, xkib’ij chewe kamik kechakun ri’ e 5 mil 066 chi ixoqib’ e nan pa taq chakuja, pa wokajilal rech chajin tinamit, ri kakib’an chajinik, ri ketob’anik xuquje’ kakina’ojij ri winaqil pa tinamit.