Pa le uq’ijol ub’anik ri V Congreso Internacional OEA-GT 2023, chi uxe’ ri chomantzij pa wokajil rumal ri kowon b’anoj chakunem xuquje’ rumal man k’ax ta ri’ xchomaxik xjuch’ uwach ri Convenio Interinstitucional ruk’ ri Ministerio rech Gobernación (Mingob) ri are tajin kukoj uchuq’ab’ ri ya’olchajinem kub’sib’al k’u’x pa taq ri k’ulb’a’t juyub’ xuquje’ pa taq aduanas pa we amaq’il.
Eri ajilonel rech wari’ are ri K’amal B’e Amaq’il xuquje’ rajtaqanel ri Oficina rech ri Estados Americanos (OEA). Xuquje’ xek’oji chi’ ri q’atb’al Tzij rech ri Taqawokajnem rech Tiko’nib’al Wakax Awajib’ xuquje’ Tzuqub’alil ub’i’ (MAGA), ri Taqawokajnem rech Utzwachilinem xuquje’ Tob’an Choman Winaqilal ub’i’ (MSPAS) xuquje’ ri Superintendencia rech Administración Tributaria (SAT) ri’, e are k’ut ri xkijuch’u uwach ri nuk’chomanem.
Eri Ministro rech Gobernación xub’ij chewe juch’un uwach wujilal rech nuk’chomanik are kuya uchuq’ab’ ri ajchajinel rech ri Wokajil rech Puertos, Aeropuertos xuquje’ Fronteras (Dipafront) xuquje’ rech ri Subdirección General rech Análisis rech Información Antinarcótica (SGAIA) ri kakiterenb’ej ub’anik ri chajinem solinik chech ri jastaq rech oqxa’nib’al che ri tajin ke’ok loq xuquje’ ke’al b’i pa qatinamit.
“Eri uj e qataqom ri e ajchajin tinamit ri keriqitaj k’ut pa ronojel taq ri fronteras rech uq’atexik taq jastaq maj pa usaqil ukojik pa qatinamit”, xcha’ ri Taqawokajnel rech ri Ya’olchajinem Amaq’.