Are uwach ri chakunem xb’anik k’o pa le Runimal Cholchak rech Loq’ab’al kab’an rech Transformación Policial ri’ ri tajin ub’anik rumal ri K’amal B’e Iximulew pa reqele’n ri Ministerio rech Gobernación (Mingob), rech kab’an pa junab’ ri’ rech kakoj kajib’ rachoch tijob’al wa pa taq ri sedes rech ri Wokajil Ajchajil Tinamit (PNC), are chi’ e k’o pa chak ri ajchajinelab’ ri’ ya’tal oxib’ mul kiwa chech pa jun q’ij kitojom taj.
Eri Taqawokajnel rech ri Ya’olchajinem pa Amaq’ ri’ xub’ij pa jun chi uwach wuqq’ij ch’ob’om chik rech kakoj jun rachoch tijob’al kiwa ri ajchajil tinamit pa le rachoch ri Dirección General rech ri PNC, zona 1 pa uk’u’x nimatinamit. “Are la’ katerenb’ex ukojik pa nik’aj chik comisarías xuquje’ kaya pa saqil kipwaqil rajwaxik ri’ are rech pa junab’ ri’ kab’an utzil chi ke ri 14 mil chi e ajchajil tinamit rech ya’tal kiwa ri’”, xcha’.
Xuquje’, eri taqawokajnel sib’alaj xub’ij che are rumal kaya kiwa pa taq ri sedes rech ri PNC, k’o jun nim utzilem kub’an chech kipwaqil ri e ajchajil tinamit, rumal ri kiwa ya’tal ri’ man tojom taj pa taq ri comedores policiales ri’ are junam kub’ij rech kakisach ta uwach Q1 mil 500 kipwaqil pa jujun taq ik’ ri’.
Sib’alaj rajwaxik kaya ub’ixik eri kiwa ri ajchajil tinamit kaya ri’ are b’anom kumal ri e ajno’jinel e ajb’anol taq kiwa rech ri Subdirección General rech Salud Policial (SGSP), rech k’o pa junamil uwach ri utz kiwa kaya chi kech are chi’ keriqitaj pa utz ya’olchajinem winaqil pa tinamti.