Paq’ij 30 rech mayo ri’ xb’an ri Congreso rech Liderazgo ri xwok uwach rumal ri Consejo Apostótico rech Iximulew. Pa le b’anonem ri’ xk’oji ri K’amal B’e Amaq’il ruk’ ri Ministro rech Gobernación, ri Tz’ib’anel rech ri Planificación xuquje’ Programación rech ri Presidencia (Segeplan) ri’ xuquje’ kuk’ nik’aj chik q’ato tzij rech K’amoj B’e Amaq’.
Eri Taqawokaj Amaq’ ri’ xub’ij che ruk’ xjuch’ uwach ri nuk’chomanem rech katoq’ixik uya’ik ri wujilal rech tz’ib’an b’i’aj pa le chakuja rech personas jurídicas, chi ke e k’o iglesias evangélicas. “K’o ri xk’ex chech ri Acuerdo Gubernativo 263-2006 ri’ rech man k’ot chik rilob’al utaqanik chi rij wari’ ri Procuraduría General rech ri Nación (PGN) are la’ xa’ pa kajib’ uwach wuqq’ij kak’is wi uya’ik ri wujilal rumal ri’”, xcha’ ri nimpatanel.
Rumal ri’ eri Taqawokajnel rech ri Ya’olchajinem Amaq’ xub’ij k’ut che we ri xutaq ub’ixik ri K’amal B’e Amaq’il xchomataj k’ut che pa aninaqil chik kaya ri wujilal rech katz’ib’axik ri winaqilal xuquje’ ro wokajilal ri’ xuquje’ rech uk’exik uwach ri upatan kub’an ri Registro rech Personas Jurídicas (Repeju) ri’.
“Eri b’anonem chomanik ri’ rech pa aninaqil b’a’ kachomax b’i rilik pa taq ri ventanillas rech atención xuquje’ pa métodos electrónicos ri’ xuquje’ are la’ k’o pa uq’ijol rech katz’ib’ax kib’i’ ri wokajilal ri’”, xcha’.
Jacha le rech uk’exik uwach ri b’anoj nimanem, eri ajta’el rech wari’ pa le Repeju pa le banca virtual rech ri Banco rech Desarrollo Rural (Banrural). Xuquje’ k’a pa le Taqawokaj rech Ya’olchajinem Amaq’ ri’ ri kuchakuj ukojik ri’ jun plataforma rech kub’an jun utzilaj nimanem chi ke ri winaq tinamit.