Eri kojob’al rech ri nik’aj Tob’chakub’al rech Control Telemático (DCT) pa le q’atoj tzij rech Iximulew are kub’an jun nim upatan pa ya’ik uchuq’ab’ ri K’ak’ Taqanem pa Wokajil Japache’ xuquje’ rech ri K’ak’arisanem Taqanik pa le ub’anik q’atoj tzij rech pa qatinamit. Eri b’eyal rech kakojik chi ke ri e ajpache’ che ri ketaq b’i pa kachoch xuquje’ kil ri keriqitaj wi ri winaqil che ri keqam ri tob’chakub’al ri’.
K’o nim kupatanij we cholchak rech ri Unidad rech Control Telemático rech ri Ministerio rech Gobernación (Mingob) ri’ are qas ilonwl rech kakojik ri 2 mil chi DCT ri’.
Eri Organismo Judicial (OJ) jachike winaq k’o pache’ kareqaj ri tob’chakub’al ri’. Xuquje’ eri kareqaj rajwaxik kutoj 50 chi pwaq ronojel q’ij xuquje’ wene’ Q1 mil 500 chi ik’ rumal ukojik ri tob’chakub’al ri’.
Eri tob’chakub’al ri’ are la’ kakoj pa umop ri winaq kareqaj ri kuya retal ub’ixik pa le Centro rech Monitoreo rech ri Taqawokajnel rech ri Ya’olchajinem pa Amaq’ qatinamit, we kachap rumal ri winaq reqam, wexa’ karaj kub’an k’ax chi re xuquje’ we man kach’aw taj apanoq are chi’ kasik’ixik kataq le rilik ri’.
Ya’tal chi ke rech kakeqaj ri winaq ri ketaq pache’. Rech kilik we man kab’an ta k’ax chi ke pa kachoch xuquje’ wexa’ k’o ch’oj ri’ rech ke’esax pa k’ax ri’. Eri reqam ri tob’chakub’al ri’ wexa’ maja’ katz’aq ri q’atoj tzij rumal ri q’atb’al tzij, kataq b’i pa rachoch ri’, k’o ri pwaq kutoj ri’, kataq pache’ ri’ xuquje’ kachap pa aninaqil.
Xetijox ri ajq’atol tzij chi rij wari’
Are wa’ uwach ri xtaq ub’anik uchakuxik, pa le kojob’al rech ri ri Control Telemático ri’.
Eri tijonik chi rij wari’ pa amaq’el ri’ kaya chi kech ri ajq’atol tzij xuquje’ ri rajchak ri corte Corte Suprema rech Justicia (CSJ) ri xkil uya’ik chi ke xuquje’ pa uwachwuj pa kaqiq’.
Eri katijoxik ri’ e are kub’an chi ke ri ajchak rech ri q’atb’al tzij rech e are kakilo jachin winaq kakikoj wa’ chi re rech chajin k’a pa rachoch. Xuquje’ qas kakich’ob’ ucholaj rech utz ukojik ri tob’chakub’al ri’ che ri kojom chik pa nik’aj chik nimatinamit pa uwachulew ruk’ unimaxik uwach ri loq’ ya’talil chi ke ri winaqilal xuquje’ pa taqanem tzij.