Paq’ij kamir sib’alaj xb’antaj jun k’uttionem rech kaq’atex uwach ri jun q’ayinaq yab’il rech ub’aril ch’akulal ri’ are la’ k’uttijonem xya chi ke ri 30 chi ixoqib’ e ajchak pa uk’u’x wokom nimaja rech ri Ministerio rech Gobernación ri’.
Eri b’anonem ri’ are la’ xb’an pa komonchak rumal ri Coordinación rech Salud Integral rech ri Mingob rech xtaqij ub’anik jun utzijob’elil rech xuk’asuj kachomab’al ri ixoqib’ rech chi waqataj ik’ keb’ che rilik chi rij ri q’ayinaq yab’il ub’i’ cáncer cervicouterino xuquje’ rech kakilo we man k’ot chi ke ri’.
Eri ajno’jkunanel ginecólogo, Allan Portilla, rech ri Subdirección rech Salud Policial, xub’ij che pa Escuintla xuquje’ Mazatenango ri’ e are ri keb’ tinamit ri’ ri qas k’utuninaq wi ri jun q’ayinaq yab’il chi ke ri winaq ri’. Jeri’ are k’ut ri qas e’ukamisan ri winaqil pa Iximulew.
Eri kijunab’ ri winaq che ri kuya jun q’ayinaq yab’il chi ke eri k’o 40 pa 50 kijunab’, qas kuya chi ke ri e juk’ulaj winaq che ri kakitij ri sik’ xuquje’ kakijoq’ij Itzel kunab’alil rech kakiq’ab’arisaj kib’.
Ri q’ijol rech ke’ilik ri’
Pa le 14 xuquje’ 15 rech junio rech pa junab’ ri’ ch’ob’atal kab’an jun q’ijol ilonem kunanik ub’i’ “Detección xuquje’ Prevención Temprana rech Cáncer rech Cérvix” pa le ilonem rumal ri no’jkunanel rech papanicalau, ri are kab’an pa le jun laboratorio externo rech chisaq ri’ rech kilik we man k’ot ri ral ri itzel yab’il rech kumaj b’i q’aynaq yab’ilem ri’.