Eri puq rajchomanelab’ ri Agencia rech Cooperación Internacional rech Japón (JICA) Tokyo, Nab’iyejnaq chi kuwach rumal ri Subdirector General rech América Latina xuquje’ El Caribe, Shohei Tada, xe’opan pa le Rachoch ri Wokajil Ajchajil Tinamit (PNC) rech uterenb’exik uwach ri Chob’otal Chak Policía Comunitaria ri tajin upatanexik pa Iximulew ri’ rech kitaqim ub’anik k’ak’ taq uwach tob’anik chi’.
Paq’ij kamik xe’opan chech ujachik ri ukab’ uwach upatanexik we ch’ob’otal chak ri’, eri jujun taq xkik’ut b’ixik chi rij ri chakub’al rech no’jtijonem ri wokom ri’ rech kaya uchuq’ab’ ukojik ub’anik kumal ri reqa’lenel ri PNC, pa le b’anoj uwch ri chajinem winaqilal ri’.
Xuquje’ eri puq ajchomanelab’ e petinaq ri’ xkib’an jun nim wa’katenik pa le Museo Histórico rech ri PNC chi la’ k’ut xkib’an wi jun rilik b’ixik chi rij ri kichak ri e ajchajil tinamit. Xuquje’ xe’opan pa le tz’apib’al ri ujuk’al kajib’ retal no’jtijonem rech Yab’al Uchub’a’ rech Reta’mab’lil ri Policía Comunitaria ri’. Pa le b’anonem ri’, eri Cónsul rech ri Embajada de Japón pa Guatemala, Kazuaki Machida, are jun xk’oji pa le jachoj na’tib’al wujil xjach chi ke ri eqa’lenelab’ xk’is katijoxik.
Pa le Barrio Moderno, zona 2 pa uk’u’x nimatinamit xb’an wi usuk’umaxik uwach rech taqim ub’anik ri jun utzilaj kachajixik ri winaqil chi’. Te k’u ri’ xe’opan pa le Subestación rech ri Barrio Gerona, zona 1 rech ri uk’u’x nimatinamit iximulew, chi la’ k’ut k’o xetzijon wi kuk’ ri e ajchajil tinamit keriqitaj chi la’.