E paq’ij domingo 25 rech junio are chi’ kab’an ri Kicha’ik ri K’ak’ K’amal B’e Amaq’ pa qatinamit xuquje’ k’o ri jun nim q’alanik kutaq ub’anik ri Ley Electoral xuquje’ rech Partidos Políticos (LEPP) are kuq’al ri k’ayin tzam, ri tijowtzam, maja’ na, pa le uq’ij xuquje’ ok’owinaq chik ri uq’ijol ri kicha’ik k’ak’ q’atb’al tzij rech qatinamit.
We q’ab’al taqanik ri’ are la’ k’o pa le artículo 223 rech ri LEPP ri kub’ij. Man k’ot chik k’ayin tzam, tijowtzam, b’anoj tzam kab’an pa le q’ij ri’ pa tinamit, are kab’lajuj kajb’al karaj na kopan le q’ij rech kicha’ik k’ak’ q’atb’al tzij ri’.
Eri reqa’lenel ri Wokajil Ajchajil Tinamit (PNC) kek’oji che kaq’atexik ri winaq kakinimaj taj ri Ley Seca xuquje’ ri keriqik ketajin che k’ayin tzam, tijowtzam, ri kek’am b’i pa q’atb’al tzij ri’.
Jachin k’ut kunimaj taj ri Ley Seca ri’, kaqaj uchuq’ab’ ri artículo 465 rech ri Código Penal, ri kub’ij ri’: Jachin k’ut, we man kunimaj taj ri kutaq unimaxik rumal ri q’atb’al tzij ri’, rech kaq’atexik ri b’anoj k’ax pa tinamit, chinaq k’ut kunimaj ta ri’ k’o jun ik’ tojb’al maj chi rij pache’ tz’apib’al ri’”.
¿Jumpa’ kamajtaj uq’ij unimaxik ri Ley Seca?
Pawe q’ij ri’ panik’aj q’ij rech we sábado 24 rech junio ri’ kamajtaj ri q’alan uk’ayixik ri tzam pa ronojel rulewal tinamit amaq’il ri’.
Eri q’alanik ri’ are la’ kamajtaj pa le waqib’ kajb’al rech pa le q’ij ri b’anoj kicha’ik ri k’ak’ taq k’amal b’e rech amaq’il, k’a ri’ ya’talik katij ri tzam k’a pa le waqib’ (06:00) kajb’al rech lunes 26 rech junio ri’.
B’iw ub’ixik ri’
Jachin karaj kub’ij apanoq pa le 110 rech ri PNC xuquje’ pa le retal uwachwujil pa le 1518 pa awalik ub’ixik ri’ pa le uwachwujil pa kaqiq’ ri’ https://mingob.gob.gt/denuncias-confidenciales-1518/