Pawe q’ij 28 rech junio k’o ri jun puq chi reqa’lenelab’ ri Oficina rech Atención chi ke Víctima rech ri Subestaciones kuwach ri Comisaría 73 rech ri Wokajil Ajchajil Tinamit (PNC), xkik’am jun k’uttijob’enik xb’an chi ke chi rij q’atenik ri k’ax rech género pa Tecpán, Chimaltenango ri’.
Eri ajchajil tinamit sib’alaj xetijoxik chi rij taq eta’mab’al rech b’anoj q’atenik ri k’ax chi ke ri ixoqib’ xuquje’ ri alaj taq alitom, jeri’ chi rij taq upatanexik ri taqanem xuquje’ b’anoj ilonem ilanik chi ke ri winaq kiriqom ri k’ax.
Xuquje’ xya’taj ri chakub’alil rajwaxik chi ke ri’ rech ya’el uchuq’ab’il ri b’anoj chajinem k’ub’sib’al k’u’x ri’.
We jun uq’axenik rech ri k’uttijojnem ri’ are la’ katob’anik chech ri Cholchak rech Tijonem rech ri Ub’eyal Ub’anik ri Transformación Policial ri’ xya’taj ri’ kumal rajchakunelab’ ri Instituto rech Estudios Comparados rech Ciencias Penales rech Guatemala (ICCPG) pa komon chakunik kuk’ ri rajchak ri Asesoría Jurídica rech ri Comisaría rech Chimaltenango ri’.
Sib’alaj rajwaxik kaqab’ij k’ut chewe k’uttijonem ri’ are la’ uwach ri ub’anik ri q’atenik ri k’ax, rech uwa’lijsaxik ri no’jk’alemalib’alil rech nimantzij xuquje’ rech pa junamil, jeri’ rech ya’el ri chajinem xuquje’ k’o jun utzilaj chajinem b’anoj chi ke ri ri winaqilal.