Are wa’ uwach ri chakunem katajinik rech Ub’anob’alil ri Transformación ri’, rumal ri’ eri q’atb’al tzij rech ri Ministerio rech Gobernación (Mingob) xkikoj jun k’ak’ rachoch tijob’al kiwa ri e ajchajil tinamit pa le zona 6 ri’ rech pa uk’u’x nimatinamit, are la’ rech ketzuqik ri e ajchajil tinamit ronojel q’ij ri’.
Eri cholchak ri’ are la’ uwach rti Ub’anob’alil ri Dignificación Policial ri’, ri xtaq upatanexik rumal ri K’amal B’e Amaq’ Iximulew pa reqele’nib’al ri Taqawokajil rech ri Ya’olchajinem Amaq’; are utaqim ub’anik utzilal chi ke e 1 mil 400 chi reqa’lenel ajchajil tinamit rech ri Comisaría 12 xuquje’ rech ri Inspectoría General ri’ rech ri Wokajil Ajchajil Tinamit (PNC).
Eri reqa’lenel e ajchajil tinamit ri’ are rech ketzuqik pa oxmul ri man k’ot rajil kakitojo xuquje’ rech utz kek’oji wi are chi’ ketzuqik. Eri jun b’anoj toqob’ chi ke ri’ are la’ rech kuto’ rib’ uwi kipwaq kirajil ri’.
Pa le riqoj ib’ ri’ xk’oji wi ri Ministro rech Gobernación, ri Segundo Viceministro Administrativo, ri K’amal B’e rech ri PNC xuquje’ ri Subdirectores Generales ri’. Eri Taqawokajnel rech ri Mingob’ xuya uq’ij ri kupatanij wa’ uya’ik ri wa rikil rech tzuqib’al kech ri e ajchajil tinamit, ri kechajin chi paq’ij chi chaq’ab’ ri’ pa tinamit.
Xuquje’ sub’alaj xub’ij che we racoch rech tzuqib’al ri’ are xkoj loq pa le 25 rech junio kanoq xuquje’ are kuya (3 mil) chi raciones rech ketzuq ri reqa’lenel ajchajil tinamit che ri keriqitaj pa b’anoj chajinem pa taq uk’olib’alil b’anoj ajilanem rech cha’onik xb’an pa juntir qatinamit.
Eri rachoch tijob’al wa k’o juntir ri chakub’al rech kakoj chi’, k’o jun uk’olib’al jastaq, k’o jun upam nimaja rech tijob’al wa xuquje’ k’o rech kach’aj wi q’ab’al. Eri wa are kakib’an ri e ajno’j b’anol rech. Jacha kakib’ij ri q’atb’al tzij, are taqim rech kajach ronojel q’ij ri’ 1 mil 220 chi raciones ri’.
Rumal ri’ eri nimpatanel xub’ij che ch’ob’otal chik rech kekoj nik’aj chik rachoch tijob’al wa, pa ronojel are lajuj ri’, jeri’ xub’ij che tajin uch’ob’ik rech kakoj nik’aj chik pa we qatinamit.
Ruk ukojik wa’ ri rachoch tijob’al kiwa ri ajchajil tinamit, ruk’ wari’ eri Mingob tajin che uya’ik uchuq’ab’ ri jun wokajil rech PNC ri k’o uchuq’ab’ xuquje’ ajilonel rech ri winaqil e aj iximulew ri’.