Eri chak b’anom kumal ri tzukunelab’ rech ri Centro Antipandillas Transnacional (CAT) xuquje’ kumal reqa’lenelab’ ri Comisaría 43 rech ri Wokajil Ajchajil Tinamit (PNC) xekowon che uchapik jun winaq rech kataq b’i pache’ q’atb’al tzij rech naj nimatinamit Estados Unidos rech América. Eri xb’antaj wa’ kumal ajchajil tinamit chaq’ab’ rech ri lajuj q’ij rech julio pa le calle principal rech ri cantón Tuj Cuc rech Todos Santos Cuchumatán, Chinab’jul.
Are ri a Ángel Gilberto Ailón García, 22 ujunab’, ri xtaq loq uchapik rumal ri q’atb’al tzij estadounidense rumal ri xub’an ri k’ax ri’: b’anoj kamisanik ri kuk’ula’le’j uwach ri sección 187 (a) rech Código Penal rech California xuquje’ rumal k’o xraj xukamisaj ri kuk’ula’le’j ri Código Penal rech California ri’.
Ri b’anoj chajinem ri’ are la’ xtaq ub’anik rumla ri K’amal B’e rech Iximulew pa le uchakunik ri Ministerio rech Gobernación (Mingob) rumal ri’ xb’antaj kowonem e 15 chik chi winaqil e chapom b’i pawe junab’ ri’, e oxlajuj chi ke k’o kuwach ruk’ ri narcotráfico xuquje’ eri keb’ chik rumal xkib’an nik’aj chik k’ax.