Pa le uq’ijol ri 26 ujunab’ xutz’aqatisaj ri Wokajil Ajchajil Tinamit (PNC) k’o jun nima’etz’anem tipb’al xb’an pa wokajilal ub’i’ fútbol 11, chi’ k’u ri’ xkiriqo wi kib’ ri ajetz’enelab’ tipb’al ri’, kumal ri reqa’lenel ri Wokaji Ajchajil Amaq’ Iximulew xuquje’ kuk’ rajchak ri Ministerio Público (MP). Eri b’anonem etz’anik ri’ are la’ xb’an pawe q’ij kamik pa le k’olib’al etz’anib’al rech ri tijob’al Escuela rech Especialidades rech Policía (EEPOL), zona 6 rech nimatinamit.
Le puede interesar: Tajin kujipij ub’anik ri K’ak’ Taqanib’al pa Japache’ rumal ri Gobernación ri’
Pa le b’anonem ri’ xk’oji wi ri Ministro rech Gobernación ruk’ ri Nab’e Viceministro rech Ya’olchajinem Amaq’ xuquje’ ri K’amal B’e rech ri PNC, ri xek’oji pa le riqoj ib’ xjach wi ri ch’akob’al chi ke ri xech’akon ri’. eri retz’anelab’ ri PNC e are e nab’e xech’aknik are ch’ xkich’ak ri reqa’lenel ajchajil amaq’il.
Eri retz’b’exik ri tipb’al ri’ are la’ xb’an chi kuwach kumal ri keb’ puq ajetz’anel, man xekowon ta k’ut xech’akonik pa le panik’aj chi ke ri’, are chi’ xk’isik xel kanoq (2) che (1) ri’, rumal ri’ xech’akon ri ajetz’anelab’ rech ri wokajil chajin tinamit.
Are chi’ xkiriq kib’ ri aje’tz’anelab’, chi kijujunal ri’ xkik’utu ri xekowon che utipixik retz’b’axik che kaqan, ri pa saqilem nimantzij xe’etz’en k’ut, rech pa jikomal joremal xe’tz’anik chi kuwach ri winaq ri’.