Sib’alaj xya kiq’ij xena’tixik ri reqa’lenel ri Wokajil Ajchajil Tinamit (PNC) che ri e kaminaq b’i pa le ya’olchajinem pa tinamit, pawe q’ij 12 rech julio ri’ are chi’ xkoj kib’i’ pa le plaquetas pa le Galería rech Honor ri’ rech ri Dirección General rech ri PNC k’o pa le zona 1 rech pa nimatinamit.
Eri Ministro rech Gobernación sib’alaj xuya ub’ixik k’o nim upatanib’al rech kaya kiq’ij kena’tixik ri e (200) chi ajchajinelab’ e kaminaq b’i pa ya’olchajinem pa tinamit pa le kachajixik ri winaqil e aj iximulew. “Kinlinya’o kiq’ij ri ajchajinel ri’ ri rumal chajinem pa tinamit xekam b’i” xcha’.
Rumal ri’ eri K’amal B’e rech ri PNC xub’ij chewe pa le 26 ujunab’ xutz’aqatisaj ri wokajil ri’ xb’an ri nimaq’ij rech yab’al kiq’ij ri ajchajinel xekam pa ya’olchajinem winaqil ri’.
Le puede interesar: Ri PNC xutz’aqatisaj 26 ujunab’ ruk’ jun nimcholb’inik
Eri plaquetas xkoj chi’ rech pa amaq’el kena’texik ri eqa’lenel xekam b’i pa ya’olchajinem pa tinamit pa taq le k’isb’al junab’ ri’.
Yab’al k’iq’ij ajchajinel e kaminaq b’i
Xuquje’ pa le muqib’al rech ajchajil tinamit k’o pa le Cementerio General, zona rech pa nimatinamit, eri Ukab’ Viceministro rech Gobernación kuk’ ri Taqanelab’ rech ri K’amal B’e rech ri PNC, xkiq’ansaj kiq’ij kina’texik ri eqa’lenel xekam b’i pa le b’anoj ya’olchajinem winaqil pa tinamit.
Rumal xkoj kikotz’i’j pa uwi kamuqib’al che ri e muqim wi ri ajchajinelab’ e kaminaq ri’.