Pa jun puqchajinem tzukunik xb’an pawe q’ij kumal reqa’lenel ri Comisaría 31 rech ri Wokajil Ajchajil Tinamit (PNC) pa le kilómetro 78 rech ri nimab’e kab’e pa le Pacífico ri’, pa rulewal tinamit Sinaquinalá, Escuintla ri’, xechap wi e oxib’ e ajb’inisal ch’ich’ rumal kik’amom b’i e k’i winaq e ajq’axel pa rulewal tinamit.
Are ri a Franklin Roberto Martínez, 32, ujunab’, a Elio Antonio García Arana, 32 ujunab’ xuquje’ a Oscar René Guamuch Aguilar, de 32 ujunab’, kab’inisam b’i keb’ ch’ich’ rech ereb’al wianq xuquje’ jun ch’ich’ e reqam b’i 139 chi winaq e ajq’axel chi’, e rech Brasil, Venezuela, Haití, Ecuador, Colombia xuquje’ Honduras ri’. Eri winaqil ri’ kab’ixik xek’am b’i pa q’atb’al tzij rumal ri kimak xkib’an ri’.
Eri e ajchajil tinamit e are xkilo le kib’anikil ri winaqil e ajq’axel xeriqitaj ri’, rumal ri’ xkilo chi maj kiwujilal xe’ok loq pa rulewal qatinamit. Sib’alaj xeto’ik xena’ojixik rech te k’u ri’ xek’am b’i pa le rachoch ri chakuja rech ri Instituto Guatemalteco rech Migración (IGM) rech ketaq b’i pa le katinamit.
Eri xb’antaj kumal ri ajchajil tinamit pa taq ri nimab’e rech rulewal tinamit, rech uq’atexik b’anoj k’ax xuquje’ ri awan jastaq ri’ xuquje’ rech maj jun kub’an tane’ k’ax chi ke ri winaqil e ajq’axel chi’ kumal e ajb’anol k’ax rech kab’an ta ch’ijom chak chi ke ri’.