Pa jun tzukunem xb’an pa 27 rech julio ri’, kumal reqa’lenel ri Departamento rech Investigación rech Ajq’atenel B’anol K’ax chi ke Ixoqib’ ri’ rech ri División Especializada rech Investigación Criminal (DEIC) rech ri Wokajil Ajchajil Tinamit (PNC) pa uto’ik ri Ministerio Público (MP) ri’, xkiya utzijol paq’ij kamik, e k’o job’ chi achijab’ xechapatajik are chi’ ketajin che b’anoj k’ax ri’ xuquje’ keqam k’aqb’al ri’.
Eri tzukunik ri’ are la xb’antajik pa uterenb’exik ri ajb’anol k’ax chi ke ixoqib’ chi la’ Escuintla, Chiquimula xuquje’ pa San José Pinula, Iximulew ri’.
Pa le nab’e xechap wi chi la’ pa le sector 1, lote 8, aldea le Platanar rech San José Pínula, Iximulew, chi la’ k’ut xchap wi a Edgar Antonio Bolos Alvarez, 36 ujunab’, rumal xub’an k’ax che ri ixoq, jeri’ k’o jun ch’aweb’al xuquje’ atz’iyaqb’al xriqitaj ruk’.
Pa le Parcelamiento 77, Puerta de Hierro rech San José, Escuintla, xchap wi a Sergio Alexander Cruz alias “Chula”, 31 ujunab’, kab’ixik rumal xuwajo rib’.
Pa le colonia 14 de Febrero bloque T-1, lote 165, zona 0 rech San José, Escuintla ri’, chi la’ k’ut xchap wi loq a Gustavo Adolfo Solares Gonzales, 31 ujunab’ xuquje’ a Edwin Ernesto Solares Gonzales, 29 eri e keb’ ri’ rumal xkiwajo kib’.
Kuk’ nik’aj xechapik xriqitaj jun k’aqb’al, 14 chi ub’aq’ k’aqb’alil, kajib’ chi ch’aweb’alil xuquje’ xriqitaj jun kejach’ich’ ri xk’am b’i kumal ri q’atb’al tzij ri’.
Pa le barrio el Cerrito, 8a. calle rech San José, Escuintla, xchap wi loq a Dolbin Josué arredondo Alvarez, 23 xuquje’ a Cristian Alexander Alvarado Rodriguez, 18 ujunab’, are chi’ xriqitajik tajin che b’anoj k’ax; kuk’ nik’aj winaq ri’ k’o 200 chi pisoj rech cocaína, 14 chi piso rech marihuana ri’ xuquje’ Q13 mil 345 xriqitaj ri’.
Pa le caserío El Pinalon rech ri aldea le Durazno, Chiquimula, eri ajchajil tinamit xkiriq keb’ chi ch’ich’ rech qupib’al xuquje’ ruk’ ri atz’iyaqb’al ri’.
Ri jastaq xriqitaj ri’, are la’ kakoj che ya’ik uchuq’ab’ ri q’alajisb’al rech ri’.