Ruk’ uq’ojomanik ri Q’ojomb’al Kaib’il B’alam rech ri Wokajil Ajchajil Tinamit (PNC), xeq’ojomanik ri grupo Mengalas rech ri Adulto Mayor rech Amatitlán, k’o jastaq xech’akik xuquje’ ruk’ taq etz’enem, jeri’ xb’an kina’tib’al Kiq’ij ri Qamam pa Tinamit pa 26 rech julio pa le Ministerio rech Gobernación (Mingob), chi’ k’u ri’ xek’oji ri qamam rech sib’alaj xki’kotisaj kib’ pa le kanimaq’ij ri’.
Pa le b’anon nimaq’ij ri’ xk’oji ri Ministro rech Gobernación xuquje’ Viceministro Administrativo ri’, ri xkipaq’pa’ kaq’ab’ chi ke ri qamam ri’j winaq ri’ ri xek’oji kuk’. Are ri nimaq’ij xkib’an ri q’atb’al Tzij ri’ kuk’ ri e ri’j winaq ri’ ruk’ uq’ojomanik ri Q’ojom Kaib’il B’alam ri xmajtaj pa le b’elejeb’ (9:00) xk’is panik’aj q’ij (12:00) kajb’al ri xek’oji wi ri qamam ri’j winaqib’ ri’ rech xkina’tij kiq’ij are chi’ e ch’uti’n na ri’.
Eri chuchu’ Marta Morales, ri 65 chik ujunab’ xub’ij che nimaq’ij ri’ are rech kuki’kotisaj kiwach ri ri’jab’ ri’. “Sib’alaj ki’kotem kinna’o rumal ri q’atb’al Tzij xkitor ri kachoch chaqawach rech xojki’kotisaj ri’”. Eri Don Carlos Soto ruk’ rixoqil xub’ij che ronojel taq viernes e are jun kek’oji pa le b’anoj xajowonik pa le q’ojomsanem ri kuya’o nim ki’kotem chi ke ri’.
Rech jun na’tinem ri’
Eri 22 rech agosto rech 2013, are chi’ xtaq ukojik ri taqanem Tzij 4532 pa le Congreso rech ri Amaq’, chi’ k’u ri’ pa le 26 rech julio rech pa jujun taq junab’ kab’an “Kanimaq’ij ri e Qamam pa Tinamit”, ri xtaq chik ukojik pa le 2022 ri’ ri xya’taj utzijolib’al pa le Diario Oficial ri’.
Rumal ri’ eri q’atb’al Tzij rech ri Ministerio rech Gobernación (Mingob), ri e rajchak ri Nimrachoch ri Taqawokajnem ri’ pa komonchak ruk’ ri Unidad rech ri Prevención Comunitaria rech ri K’ax (UPCV) rech xkib’an k’ut le nimaq’ij rech kiq’ij ri e Qamam e ri’j winaqib’ ri’.