Chaq’ab’ rech iwir kanoq nab’e q’ij rech agosto ri’, eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), pa le Aeropuerto internacional La Aurora (AILA) zona 13 capitalina, jun achi mexicano ub’i’ a Luis Alberto Márquez Márquez, 44 ujunab’ ri’, rech xtaq kataq b’i pache’ pa q’atb’al tzij rech Estados Unidos rech América, rumal ajk’ayin fentanilo chi la’ k’ut.
Eri a Márquez Márquez ri’ taqom loq uchapik rumal ri nimaq’atb’al tzij ub’i’ Corte Distrital rech Maryland kab’ixik k’o 400 chi upajb’al rech fentanilo ruk’ metanfetamina xuk’ayij b’i chi la’ k’ut, are la’ umak ri’.
Eri tzukno’jchak estadounidense xb’an chi rij ri’ are xuq’alajisaj che are ri’ jun chi ke ri taqanel rech jun nuk’wokaj b’anoj k’ax mexicana ri’.
Are kab’ixik eri jun achi ri’ are ajtaqol rech ajsolil rech utaqik b’i ri awan kunab’alil k’a pa México ri’; are b’a qas ajtaqol rech ri awan kunab’alil pa le nimatinamit EE.UU.
Are chi’ xmajtaj loq enero ri’ k’a pawe junab’ ri’ e k’o chik 14 chi winaq ri’ e chapom chik rech e taqom pache’ pa q’atb’al tzij pa nimatinamit naj rumal e uwinaqil ri narcotráfico ri’.