E pa keb’ q’ij rech agosto ri’ eri reqa’lenelab’ ri Comisaría 11 rech ri Wokajil Ajchajil Tinamit (PNC) xkib’ij che e k’o waqxaqib’ chi e ajqojomanel e colombianos kakib’an ri k’ax xechapataj ri’ pa tinamit rech Moyuta xuquej’ Yupiltepeque, Jutiapa ri’.
Pa le b’anoj tzukunem ri’ ub’i’ Plan Operativo “Contra el Delito de Usura” ri’, ri xtaq ub’anik rumal ri’ K’amal B’e Amaq’ Iximulew pa le uchakuxik ri Ministerio rech Gobernación (Mingob), rech b’anoj nimachajinem pa k’ulb’a’t juyub’ amaqil ruk’ El Salvador xuquje’ rech kaq’atexik nik’aj b’anol k’ax e ajqoojomanel pwaq kib’i’ kab’ixik prestamistas colombianos pa rulewal qatinamit.
Eri xechapik e are k’ut: a Daniel Fernando Lasprilla Montoya, 21 ujunab’, a Juan Camilo Bonilla Vanguera, 26 ujunab’, a José Manuel Pérez Palacios, 32 ujunab’, a Javier Mauricio Rivera Cuastumal, 37 ujunab’, ri Eilem Colorado Castillo, 36 ujunab’, a José Fernando Rivera, 25 ujunab’, al Ginna Marcela Castro Hurtado, 21 ujunab’ xuquje’ ri jun guatemalteco ub’i’ Norman Alexander Bulux Guerra, 20 ujunab’, e are k’ut xechapataj ri’ are chi’ ketajin che ub’anik ri k’ax chi rij ri qojompwaq kumal ri’.
Are chi’ xsolix kumal ri e ajchajil tinamit xkiriq k’ut Q4 mil 279, ruk’ lajuj chi pwaqil, lajuj chi ch’aweb’alil rech eqam xuquje’ ruk’ job’ chi kejach’ihc’, e are ri xkikoj ri nik’aj e ajqajol powaq ri’ chi ke ri winaq ruk’ b’anoj k’ax chi ke ri’.
Are chi’ xechap nik’aj b’anol k’ax ri’, xkaj ri e are xkiya pwaq chi ke ri ajchajil tinamit rech ketzoqopix kanoq, man xekowon taj xek’am b’i pa q’atb’al Tzij chi rij taq ri k’ax xkib’ano.
Are chi’ xmajtaj loq ub’anik ri cholchajinem tzukunik ri’, e 54 chi winaqil e colombianos e chapom chik chi rij k’i uwach taq b’anoj k’ax kib’anom, xuquje’ e k’o 607 chi winaq ri’ xek’am b’ie pa le rachoch ri Instituto Guatemalteco rech Migración (IGM) ri’, rech ketaq b’i pa katinamit.