Taqim k’ut uya’ik uchuq’ab’ ri chajinem winaqil kumal ri Wokajil Ajchajil Tinamit (PNC), rumal ri’ xjach 1 mil chi k’ak’ kejach’ich’, 5 mil chi k’aqb’alil, waqib’ chi kejach’ich’ kajib’ raqan xuquje’ waqib’ chi ch’ich’ ekb’in pa taq le juyub’. Eri b’anonem ri’ are la’ xjach pa oxib’ rech agosto ri’ chi uwach ri Palacion Nacional rech Uk’u’x Nimatinamit, zona 1 ri’; chi’ xk’oji wi ri K’amal B’e Amaq’ kuk’ ri q’atb’al tzij rech Gobernación xuquje’ ri Taqanelab’ rech ri K’amoj Ub’e ri Wokajil Ajchajil Tinamit.
Eri K’amal B’e Amaq’ ri’ xub’ij che ri chakub’alil ri’ are la’ xjachik rech yab’al uchuq’ab’ ri chajinem winaqil kumal e ajchajil tinamit pa aninaqil ri’. xuquje’ xub’ij are rech kanimarsax uwach ri chajinem winaqil pa tinamit.
“Rumal ri’xjach 5 mil chi k’aqb’alil rech ri b’anoj ya’olchajinem pa tinamit ri’”, xcha’.
Rumal ri’ eri Ministro rech Gobernación xub’ij che ri xjach ri k’ak’ kejach’ich’ ruk’ ri k’aqb’alil ri’ are la’ rech tajin unimaxik uwach ri Cholchak rech B’anoj Taqanib’al xuquje’ Chajnem ri’ are uwach ri Uchak Upatan ri K’amal B’e Amaq’ 2020-2024, rech’ b’a’ qas k’o ri ch’ich’ kakikoj ri ajchajil tinamit pa chajinem. “Are wa’ tajin ub’anik ri’ pa le uwach ri Cholchak Upatan ri Wokom Patanelab’ Amaq’ ri’” xcha’.
Eri K’amal b’e rech ri PNC xub’ij che ri ujayik ri chakub’al ri’ are rumal xunimarsax uwach ri chajinem kumal ri ajchajil tinamit ri’ rech kaq’atexik nik’aj b’anol k’a xuquje’ rech kachajixik ri winaqilal ruk’ kijastaq pa tinamit.
Sib’alaj xetijoxik
Pa le b’anonem ri’ eri q’atb’al tzij xkikoj kiboinas ri e 116 chi reqa’lenelab’ e ajchajil tinamit ri xkik’is katijoxik pa le Curso rech Grupo rech Acción Rápida (GAR) xuquje’ rech ke’ok che Fuerzas Especiales rech Ajchajil Tinamit (FEP).
Eri e 20 chi reqa’lenel ri GAR xuquje’ ri 96 chi reqa’lenelab’ ri FEP xya’taj kichuq’ab’ ruk’ katijoxik xkib’ano rech reta’maxik ukojik ri k’aqb’alil, rech e runimaxik ri ya’talil chi ke ri winaqil e aj iximulew ri’ pa taq le tzukunik kab’an ri’.