Pa k’isb’al wuqq’ij kanoq xb’antja ri tijonem rech reta’maxik ukojik ri k’aqb’alil ruk’ taqanik ri’ chi ke e 201 chi reqa’lenel ri Wokajil Ajchajinelab’ rech Q’atenem ri Pandillas ri’ (Dipanda) rech ri Wokajil Ajchajil Tinamit (PNC), ruk’ ri tijonem ri’ xya uchuq’ab’ keta’mab’al rech utz ub’anik ri kichak kakib’an pa wokajilal ri’.
Pa le tijonik rech ukojik k’aqb’alil xuquje’ reta’maxik taqanik chi rij ri’, eri tzukunelab’ xkib’an jalajoj taq uwach ub’anik ri tijonik ri’ rech kesiksit taj, jeri’ pa le ub’anik rilik ri k’axk’onem ri’, rech kab’an uto’ik uchajixik ri winaqil pa le kik’aslemalil ruk’ ri kijastaq pa tinamit.
Eri k’uttijonem are xya’taj chi ke ri 42 mil chi reqa’lenel chajin tinamit pa taq ri jalajoj uk’olib’alil rech reta’maxik taqinik ruk’ k’aqb’al pa rulewal qatinamit, xya’taj k’ut uchuq’ab’ ri b’anob’alil kichak rech pa aninaqil pa le ya’olchajinem kumal ri’, jeri’ rech uq’atexik ri k’aqanik kumal b’anol k’ax ri’, jeri’ pa taq nik’aj chik k’axk’onem kak’ulmataj tane’ pawe qatinamit.
Eri K’amal B’e rech Iximulew pa le reqele’n ri Ministerio rech Gobernación (Mingob) xloq’ik 10 millones rajilab’al ub’aq’ k’aqb’alil rech are kakikoj ri ajchajil tinamit pa le reta’maxik b’anoj taqanik ruk’ k’aqb’al pawe rulewal tinamit. Eri b’anonem ri’ are la’ uwach ri Cholchak Tijonem xuquje’ ri Uloq’axik Kipatan ri e Ajchajil Tinamit rech Transformación Policial ri’.